काँग्रेस कार्यकर्त्यांनी पक्षाच्या मुख्यालयाबाहेर निदर्शने करत काँग्रेसचे नेतृत्व प्रियंका गांधी यांच्याकडे सोपवण्याची मागणी केली.
दिल्ली विधानसभा निवडणुकीत भाजपाला अवघ्या तीन जाग मिळाल्या आहेत. तर, काँग्रेसला एकही जागा जिंकता आलेली नाही. काँग्रेसच्या दारुण पराभवाची जबाबदारी स्विकारुन अजय माकन यांनी सरचिटणीसपदाचा राजीनामा काँग्रेस अध्यक्ष सोनिया गांधी यांच्याकडे सोपवला आहे. तर दिल्ली काँग्रेस अध्यक्ष अरविंदर सिंग लव्हली यांनीही प्रदेश अध्यक्षपदाचा राजीनामा सुपूर्द केला.
तब्बल १५ वर्ष दिल्लीत काँग्रेसची सत्ता होती. मात्र २०१३च्या विधानसभा निवडणुकीत आम आदमी पार्टीने काँग्रेसचा पराभव केला. २०१३ च्या विधानसभा निवडणुकीत काँग्रेसला ८ जागा मिळाल्या होत्या. यंदाच्या निवडणूकीत काँग्रेसला खातेही उघडता आलेले नाही.
