न्युयार्क : प्रसिद्ध उद्योगपती एलन मस्क मायक्रोब्लॉगिंग साइट ट्विटरचा लोगो बदलणार आहेत. उद्यापासून यात बदल होईल. ते लोगो 'X' करू शकतात. ग्रेग नावाच्या युजरसोबत ट्विटर स्पेसवर झालेल्या संभाषणात मस्क यांनी दुजोरा दिला आहे.
जेव्हा मस्क यांना विचारण्यात आले की ते खरोखरच ट्विटरचा लोगो बदलणार आहेत का, तेव्हा त्यांनी होकारार्थी उत्तर दिले. यासोबतच त्यांनी ट्विटरवर एक पोल तयार केला आणि लिहिले की, 'डिफॉल्ट प्लॅटफॉर्मचा रंग ब्लॅक करायचा का.' दुपारी १२ वाजेपर्यंत या मतदानात ४.५० लाखांहून अधिक लोकांनी मतदान केले आहे. बहुतेक लोकांनी आतापर्यंत काळा आणि पांढरा यातील काळा निवडला आहे. १९९९ पासून एलन मस्क 'X' अक्षराशी संबंधित आहे. तेव्हा त्यांची एक कंपनी X.com नावाची होती.