तेल अवीव: दहशतवादी संघटना हमास आणि इस्त्राईल यांच्यातील संघर्ष काही संपण्याचे नाव घेत नाही. हमासने शनिवारी ७ ऑक्टोबरला इस्त्राईलवर जोरदार हल्ला केला. त्यानंतर इस्त्राईलने या हल्ल्याला जोरदार प्रत्युत्तर देत युद्धाची घोषणा केली.आतापर्यंत दोन्हीकडून झालेल्या हल्ल्यात तब्बल १३००हून अधिक जणांचा मृत्यू झाला आहे.
इस्त्राईलमध्ये ७००हून अधिक जणांनी आपला जीव गमावला आहे तर गाझामध्ये कमीत कमी ५६० जणांचा मृत्यू झाला. स्थानिक मीडिया रिपोर्ट्सनुसार हमासच्या हल्ल्यात इस्त्राईलमधील कमीत कमी ९०० लोक मारले गेले.
इस्त्राईलच्या परराष्ट्र मंत्रालयाने म्हटले की हमासने १००पेक्षा जास्त लोकांना बंदी बनवले आहे. परराष्ट्र मंत्री एली कोहेनने म्हटले की इस्त्राईलच्या अधिकाऱ्यांच्या म्हणण्यानुसार १०० लोकांना हमासने बंदी बनवले आहे आणि त्यांना गाझा नेण्यात येईल.
तर इस्त्राईलच्या बंदी बनवलेल्या लोकांना मारले जाणार
हमासची सशस्त्र शाखा अल कसम ब्रिगेडने इशारा दिला आहे की जर इस्त्राईलने गाझामध्ये नागरिकांच्या घरावर बॉम्बफेक सुरू ठेवली तर ते इस्त्राईलच्या बंदी बनवलेल्या नागरिकांना मारण्यास सुरूवात करेल.