इस्लामाबाद: पाकिस्तानचे माजी परराष्ट्र मंत्री महमूद कुरैशी यांना सायफर प्रकरणात दोषी ठरवल्यानंतर पाकिस्तान निवडणूक आयोगाने शनिवारी त्यांच्यावर ५ वर्षांची बंदी घातली आहे. ८ फेब्रुवारीला पाकिस्तानात निवडणूक होत आहे. त्यापूर्वी आयोगाने त्यांच्यावर ही बंदी घातली आहे.
ईसीपीच्या नोटिफिकेशननुसार माजी परराष्ट्र मंत्र्यांना द स्टेट बनाम इम्रान अहमद खान आणि महमूद कुरैशी प्रकरणात विशेष न्यायालयाने ३० जानेवारीला आलेल्या निर्णयाच्या आधारावर अपात्र ठरवले.
३० जानेवारीला अधिकृत गोपनीयता अधिनियमाच्या अंतर्गत विशेष न्यायालयाने सायफर प्रकरणार माजी पंतप्रधान इम्रान खन आणि माजी परराष्ट्र मंत्री शाह महमूद कुरैशी या दोघांना १० वर्षांचा तुरूंगवास सुनावला.
इम्रानच्या पक्षाने सायफर प्रकरणात काय केले विधान?
सायफर प्रकरण हे एक राजकारणाशी संबधित आहे. इम्रान यांचा पक्ष पाकिस्तान तहरीक ए इन्साफने दावा केला की कागदपत्रांमध्ये इम्रान खान यांना पंतप्रधान पदावरून हटवण्यासाठी संयुक्त राज्य अमेरिकेची धमकी होती.
इम्रान खान आणि शाह महमूद कुरैशी दीर्घकाळापासून आदियाला जेलमध्ये त्यांची केस चालू होती. दोन्ही पीटीआय नेत्यांवर नापाक लक्ष्य पूर्ण करण्यासाठी सायफरच्या माहितीचा वापर करण्याचा कट रचल्याचा आरोप करण्यात आला होता.