मुंबई: आयपीएल २०२४चा ३२ वा सामना नरेंद्र मोदी स्टेडियममध्ये गुजरात टायटन्स आणि दिल्ली कॅपिटल्स यांच्यात खेळवण्यात आला. या सामन्यात दिल्ली कॅपिटल्सने गुजरातला त्यांच्यात घरात एकतर्फी ६ विकेटनी हरवले. दिल्लीच्या सर्व खेळाडूंनी छोटी मात्र महत्त्वाच्या खेळी करत संघाच्या विजयात योगदान दिले. दिल्लीने हा सामना ६७ चेंडू राखत जिंकला. यामुळे त्यांना रनरेटमध्ये मोठा फायदा झाला.
मोठ्या विजयानंतर दिल्ली कॅपिटल्सचे आता ६ गुण झाले आहेत आणि संघ -0.074 नेट रनरेटसोबत नवव्या स्थानावरून सहाव्या स्थानावर आली आहे. दुसरीकडे गुजरात टायटन्सला या पराभवामुळे मोठे नुकसान झाले आहे. गुजरातचे ६ गुण आहेत मात्र त्यांचा रनरेट -1.303 वर पोहोचला आहे.
आयपीएल २०२४मध्ये दिल्ली कॅपिटल्स आणि गुजरात टायटन्सने आतापर्यंत सर्व ७ सामन्यांपैकी ३ सामन्यात विजय मिळवला. मात्र रनरेटमुळे दिल्ली पॉईंट्स टेबलमध्ये गुजरातपेक्षा एका स्थानाने वर आहे.
हे आहेत टॉप ४ संघ
पॉईंट्स टेबलमध्ये १२ गुणांसह राजस्थान रॉयल्स अव्वल स्थानावर आहे. त्यानंतर दुसऱ्या स्थानावर कोलकाता नाईट रायडर्स आहेत. त्यांचे ८ गुण आहेत. तिसऱ्या स्थानावर चेन्नई सुपर किंग्सचेही ८ गुण आहे. मात्र कोलकात्याचा रनरेट चेन्नईपेक्षा चांगला आहे. सनरायजर्स हैदराबाद चौथ्या स्थानावर आहे आणि त्यांचेही ८ गुण आहेत.
बाकी संघांची स्थिती
लखनऊ सुपर जायंट्सचे ६ गुण आहेत आणि हा संघ पाचव्या स्थानावर आहे. दिल्ली बुधवारचा सामना जिंकल्यावर सहाव्या तर गुजरातचा पराभव झाल्याने सातव्या स्थानावर ढकलली गेली आहे. पॉईंट्स टेबलमध्ये शेवटच्या ३ संघांबाबत बोलायचे झाल्यास पंजाब किंग्स ८व्या स्थानावर आहे. नवव्या स्थानावर मुंबई इंडियन्स आहे त्यांचे ४ गुण आहेत. तर शेवटच्या स्थानावर रॉयल चॅलेंजर्स बंगळुरू आहे. त्यांचे केवळ २ गुण आहेत.