मुंबई: दक्षिण आफ्रिकेच्या संघाने अफगाणिस्तानला पराभवाची धूळ चारत दणक्यात टी-२० वर्ल्डकप २०२४च्या फायनलमध्ये एंट्री घेतली आहे. आफ्रिकेला विजयासाठी अवघ्या ५७ धावांची आवश्यकता होती. आफ्रिकेने हे आव्हान ८.५ इतक्या षटकांत पूर्ण केले. यादरम्यान आफ्रिकेने केवळ एक विकेट गमावली.
अफगाणिस्तानने या सामन्यात टॉस जिंकत पहिल्यांदा फलंदीजाचा निर्णय घेतला खरा मात्र त्यांच्यासाठी तो चुकीचा निर्णय ठरला. आफ्रिकेने केलेल्या भेदक गोलंदाजीमुळे अफगाणिस्तानचा डाव अवघ्या ५६ धावांवर आटोपला.अफगाणिस्तान संघाचा पहिला विकेट रहमानुल्लाह गुरबाजच्या रूपात पडला. तो ४ धावांवर बाद झाला. यानंतर गुलबदिन नायब, इब्राहिम जादरान, मोहम्मद नबी आणि नांगेयालिया खरोटेही स्वस्तात बाद झाले. अफगाणिस्तानकडून अझमतुत्लाह ओमरझाईने सर्वाधिक १० धवा केल्या. तर फलंदाज तर दुहेरी धावाही करू शकले नाहीत.
आफ्रिकेकडून मॅक्रो जेन्सन आणि तबरेज शम्सी यांनी जबरदस्त गोलंदाजी करताना प्रत्येकी ३ विकेट घेत अफगाणिस्तानच्या डावाला सुरूंग लावण्याचे मोठे काम केले. तर कॅगिसो रबाडा आणि एनरिच नॉर्टे यांनी प्रत्येकी २ घेतल्या.
आफ्रिकाने रचला इतिहास
हा सामना जिंकताच दक्षिण आफ्रिकेच्या संघाने इतिहास रचला. आफ्रिकेचा संघ अद्याप कोणत्याही आयसीसी वर्ल्डकप च्या इतिहासात फायनलपर्यंत पोहोचू शकलेले नाहीत. यासोबतच त्यांच्यावर चोकर्स हा मोठा डाग पडला होता. हा डागही दूर झारा आहे. याआधी आफ्रिकेचा संघ अनेकदा सेमीफायनलमध्ये पोहोचला होता. आफ्रिकेच्या संघाने याआधी वनडे वर्ल्डकपमध्ये ५ वेळा सेमीफायनलमध्ये एंट्री घेतली होती. तर टी-२० वर्ल्डकपमध्ये २ वेळा सेमीफायनलमध्ये स्थान मिळवले होते.