जाणून घ्या आजचे दर काय?
मुंबई : गेल्या काही महिन्यांपासून सोनं चांदीच्या (Gold Silver Price Hike) दरात मोठी वाढ झाली होती. सोनं चांदीने जवळपास लाखो रुपयांचा आकडा पार केला होता. त्यामुळे सामान्यांच्या खिशाला महागाईचा चांगलाच फटका बसला होता. परंतु काही दिवसांपासून सोनं चांदीच्या दरात काहीशी घसरण पाहायला मिळत आहे. सध्या सोन्याच्या दरात २७० रुपये तर चांदीच्या दरात ३३८ रुपयांची घसरण झाली आहे. त्यामुळे २४ कॅरेट १० ग्रॅम सोन्याची किंमत ७२ हजार ८९० रुपये तर चांदी ८ हजार ८६५ रुपये प्रति किलोग्रॅमवर पोहोचली आहे. यामुळे नागरिकांना वाढत्या महागाईत काहीसा दिलासा मिळत आहे.
मिळालेल्या माहितीनुसार, आंतरराष्ट्रीय बाजारातील मजबूतीचा कल आणि स्थानिक ज्वेलर्सकडून नवीन मागणी यामुळे सोन्याच्या किमतीत वाढ करण्यात आली होती. मात्र सध्या १० ग्रॅम २४ कॅरेट सोन्याची किंमत आज ७२,८९० रुपये असून मागील ट्रेडमध्ये ह्या मौल्यवान धातूची किंमत ७३,२४० रुपयांवर बंद झाली होती. तर चांदीही मागील ट्रेडमध्ये ८९,३७० रुपये प्रतिकिलोने विकली जात होती. ती आता ८९,०२० रुपये प्रति किलोने विकली जात आहे.
पाहा तुमच्या शहरातील सोन्याचे दर
मुंबई, पुणे, नागपूर नाशिक या शहरात २२ कॅरेट सोन्याची किंमत प्रति १० ग्रॅम ६६,६९७ रुपये आहे. त्याचबरोबर २४ कॅरेट सोन्याची किंमत ७२,७६० प्रति १० ग्रॅमवर आहे.