Aditya Thackeray, Worli Vidhan Sabha: आदित्य ठाकरेंना टक्कर देण्यासाठी शिंदे-फडणवीसांचा 'मास्टर प्लान'; महायुतीकडून वरळीतून राज्यसभा खासदार मिलिंद देवरांना उमेदवारी?

मुंबई : एकनाथ शिंदे (Eknath Shinde) यांची शिवसेना वरळी विधानसभेत मोठा डाव टाकण्याच्या तयारीत आहे. वरळी विधानसभेत शिवसेनेकडून आदित्य ठाकरे (Aditya Thackeray) यांच्याविरोधात राज्यसभा खासदार मिलिंद देवरा (Milind Devra) यांना तिकीट मिळण्याची अफाट शक्यता आहे. मिलिंद देवरा सध्या राज्यसभेचे खासदार आहेत. मात्र मिलिंद देवरा यांना आमदारकी लढण्यासाठी उतरवले जाण्याची चिन्हं दिसून येत आहेत. सध्या वरळी विधानसभेत विद्यमान आमदार शिवसेना ठाकरे गटाचे आदित्य ठाकरे यांच्याविरुद्ध मनसेने संदीप देशपांडे यांची उमदेवारी जाहीर केली आहे. त्यातच आता शिवसेना शिंदे गटाकडूनही उमदेवार उतरवला जाणार असल्याच्या चर्चा आहेत. त्यामुळे वरळी विधानसभेत तिहेरी लढत होण्याची चिन्हं आहेत.


२४ ऑक्टोबरला आदित्य ठाकरे यांनी उमेदवारी अर्ज दाखल केला. या मतदारसंघातून आदित्य ठाकरे दुसऱ्यांदा निवडणूक लढणार आहेत. मात्र यावेळी त्यांना महायुती आणि मनसेने घेरण्याची तयारी केल्याचं दिसतंय. महत्त्वाचं म्हणजे मिलिंद देवरा हे दक्षिण मुंबई या लोकसभा मतदारसंघाचेही माजी खासदार आहेत. त्यामुळे जर मिलिंद देवरा यांना शिंदे यांच्या शिवसेनेतून मैदानात उतरवलं तर आदित्य ठाकरे यांच्या अडचणी वाढण्याची शक्यता आहे.



शिंदे-फडणवीसांचा 'मास्टर प्लान'



उबाठा गटातून वरळी विधानसभा मतदारसंघाचे विद्यमान आमदार आदित्य ठाकरे यांना पुन्हा एकदा निवडणुकीच्या रिंगणात उतरवण्यात आलं आहे. मनसेनं गेल्या विधानसभा निवडणुकीत आदित्य ठाकरे यांच्याविरोधात उमेदवार रिंगणात उतरवला नव्हता. मात्र, आता राज ठाकरे यांची महायुतीशी जवळीक वाढल्यानं त्यांच्याकडून आदित्य ठाकरे यांच्या पराभवासाठी महायुतीला मदत केली जाऊ शकते. मनसेकडून वरळीत संदीप देशपांडे यांना उमेदवारी मिळण्याची दाट शक्यता आहे. याशिवाय, भाजपकडून शायना एनसी यांच्या नावाची जोरदार चर्चा आहे. याच पार्श्वभूमीवर राज ठाकरे, देवेंद्र फडणवीस आणि एकनाथ शिंदे यांच्यात बैठक पार पडली. वरळीचा गड आपल्याकडे घेण्यासाठी आणि आदित्य ठाकरेंना शह देण्यासाठी या बैठकीत मास्टर प्लान तयार करण्यात आल्याचं सांगितलं जातंय.


माहीम विधानसभा मतदारसंघातून राज ठाकरे यांचे पुत्र अमित ठाकरे हे निवडणूक लढवणार आहेत. त्यांच्याविरोधात आपला उमेदवार रिंगणात उतरवायचा नाही, असं उद्धव ठाकरे यांनी ठरवल्याचं समजतंय. त्यामुळे आता राज ठाकरे हे आदित्य ठाकरे यांच्याविरोधात महायुतील मदत करणार का? याकडे सर्वांच्या नजरा लागून आहेत.





Comments
Add Comment

Mumbai Water: मुंबईकरांची तहान भागवण्यासाठी BMCचा नवा प्लॅन, भांडुपमध्ये 2 हजार MLD क्षमतेचे नवे जलशुद्धीकरण केंद्र

मुंबई: मुंबई शहराचा पाणीपुरवठा सुरळितपणे सुरू राहण्‍यासाठी भांडुप संकुल येथे 2 हजार दशलक्ष लीटर (MLD) प्रतिदिन

मुंबई सेंट्रलमध्ये इमारतीला भीषण आग; 8 जणांची सुखरूप सुटका, अग्निशमन अधिकारी जखमी

मुंबई सेंट्रलमधील गिल्डर लेन येथील एका निवासी इमारतीला रविवारी मध्यरात्रीनंतर भीषण आग लागली. या आगीत वृद्ध

Yachting Championship: समुद्राच्या लाटांवर रंगली यॉटिंगची स्पर्धा; 121 नौकानयनपटूंनी दाखवले कौशल्य

मुंबईच्या समुद्रकिनारी राष्ट्रीय यॉटिंग स्पर्धेचा उत्साह पाहायला मिळाला. देशातील विविध भागांतून आलेल्या

विधान भवन आणि एअर इंडिया इमारतीजवळील खाद्य स्टॉल्सवर FDAचा दंड; ज्यूस स्टॉलचा परवाना निलंबित

विधान भवन आणि नरिमन पॉइंट येथील एअर इंडिया इमारतीच्या परिसरात कार्यरत असलेले खाण्याचे स्टॉल्स आणि खाद्य

Better Roads For Dharavi: धारावीतील खराब रस्त्यांची होणार सुधारणार

मुंबई (विशेष प्रतिनिधी): मुंबईतील रस्ते खड्डे मुक्त करण्यासाठी शहरांसह उपनगरांतील डांबरी रस्त्यांसह जुन्या

काळाचौकीच्या टेक्सटाईल म्युझियमची जागा BMC कडे हस्तांतरित, मुंबई महापालिकेला भरावा लागणार मेट्रो सेस

मुंबई (सचिन धानजी): मुंबईत मेट्रो रेल्वेचे जाळे पसरले असून या मेट्रो रेल्वेचा पसारा वाढू लागल्यानंतर यासाठीचा