आभार फाउंडेशनचा ‘माणुसकीची भिंत’ उपक्रम!

मुंबई : माणुसकीची भिंत ही संकल्पना समाजातील गरजू आणि देणाऱ्यांमधील एक अनोखी जोडणे बनली आहे. पुंडलिक लोकरे यांच्या संकल्पनेतून साकार झालेला आणि आभार फाउंडेशनच्या पुढाकाराने यशस्वीपणे राबवला गेलेला हा उपक्रम यंदा १७ ऑक्टोबर ते २३ ऑक्टोबर २०२४ पर्यंत पेनिन्सुला बिझनेस पार्क, लोअर परेल येथे आयोजित करण्यात आला होता.


यंदा या उपक्रमात तब्बल ४५००० पेक्षा जास्त कपडे, खेळणी, चप्पल, शालेय साहित्य आणि गृहोपयोगी वस्तू जमा झाल्या, ज्यामधून ३५००० हून अधिक वस्तू गरजवंतांना वाटप करण्यात आल्या. या वस्तू घेणाऱ्या गरजवंतांच्या चेहऱ्यावर दिसणारा आनंदच माणुसकीचा खरा चेहरा होता. उर्वरित वस्तूवर प्रक्रिया करून खेडेगाव, आदिवासी पाडे, वृद्धाश्रम आणि महिलाश्रम यांना वाटण्यासाठी पाठवण्यात येणार आहेत, असे फाउंडेशनचे सदस्य नेताजी सावंत यांनी सांगितले. आभार फाउंडेशनचे अध्यक्ष महेश चव्हाण यांनी या उपक्रमाची संकल्पना उलगडताना सांगितले, देणाऱ्याच्या मनात नेहमीच माणुसकी जिवंत असते.


परंतु, गरजू व्यक्ती आपल्यापर्यंत पोहोचू शकत नाहीत आणि त्या व्यक्तींनाही मदत कुठून मिळेल हे माहीत नसते. या माणुसकीच्या भिंतीने या दोन्ही वर्गांना एकत्र आणले आहे. घरात अडगळीत असलेल्या वस्तूंनी कोणाच्या जीवनात मोठा बदल घडवता येतो, हे या उपक्रमातून सिद्ध झाले आहे."यावर्षीची आणखी एक वैशिष्ट्यपूर्ण बाब म्हणजे, आभार फाउंडेशनने खेड्यांतील शाळकरी मुलांसाठी १००० सायकल्स उपलब्ध करून देण्याचा संकल्प केला आहे. प्रवासाच्या साधना अभावी शाळा सोडणाऱ्या मुलांना शिक्षण पूर्ण करण्याची संधी मिळावी यासाठी फाउंडेशनने हा पुढाकार घेतला आहे. मुंबई अग्निशमन दलाचे उपप्रमुख बनगर साहेब आणि विभागीय अधिकारी माटले साहेब यांनी पहिली मदत म्हणून नवीन सायकल्स दान केल्या.


बऱ्याच हाउसिंग सोसायटीमधून जुन्या सायकल उपलब्ध झाल्या त्या दुरुस्त करून गरजवंतांपर्यंत पोहचवला जातील. हा उपक्रम गरजू मुलांच्या शिक्षणासाठी एक प्रेरणादायी पाऊल ठरेल.

Comments
Add Comment

Mumbai Book Festival: मुंबईत २४ नोव्हेंबरपासून पुस्तक महोत्सव; मुख्यमंत्र्यांच्या हस्ते उद्घाटन

मुंबई : पुस्तकप्रेमी, साहित्यिक आणि वाचकांसाठी मुंबईत येत्या २४ नोव्हेंबरपासून सहा दिवसांचा पुस्तक महोत्सव

Maharashtra State Government Decision: क्राईम ब्रँच, आर्थिक गुन्हे शाखेला आता पोलीस ठाण्याचा दर्जा; राज्य सरकारचा निर्णय

मुंबई : मुंबई पोलिसांच्या गुन्हे शाखेला (क्राईम ब्रँच) आणि आर्थिक गुन्हे शाखेला (ईओडब्ल्यू) आता अधिकृतपणे पोलीस

Anti-Narcotics Van: अमली पदार्थांविरोधी मोहिमांसाठी मुंबई पोलिसांना ‘अँटी-नार्कोटिक्स व्हॅन’

मुंबई : अमली पदार्थांची तस्करी आणि विक्री रोखण्यासह गुन्ह्यांच्या तपासातील त्रुटी दूर करण्यासाठी मुंबई

Kurla Crime: कुर्ल्यात तरुण जोडप्याला हॉकी स्टिक, बेल्टने मारहाण; 8 अल्पवयीन मुलांवर गुन्हा दाखल

कुर्ला येथील एका बागेत किशोरवयीन जोडप्याला मारहाण केल्याप्रकरणी घाटकोपर पोलिसांनी आठ मुलांना ताब्यात घेतले

Shiv Sena Blood Donation Camp: रक्ततुटवड्याच्या पार्श्वभूमीवर शिवसेनेचे मुंबईत रक्तदान अभियान

मुंबई : गरजू रुग्णांना वेळेवर रक्त उपलब्ध व्हावे, या सामाजिक जबाबदारीतून शिवसेना रविवारी, 22 नोव्हेंबरपासून

पवई तलावावर साकारलंय देशातील सर्वात भव्य म्युझिकल फाउंटन, लाईट अँड साउंड शोमधून उलगडणार मराठ्यांच्या शौर्यगाथा!

मुंबई: मुंबईतील पर्यटनामध्ये भर घालण्यासाठी राज्य सरकारकडून महत्त्वाचा निर्णय घेण्यात आला आहे. राज्य