Badlapur Fire Accident during Diwali : ऐन दिवाळीत बदलापुरात मोठी दुर्घटना, फटाके फोडताना रॉकेट थेट घुसलं बाल्कनीत अन्…

बदलापूर : दिवाळी हा सण आकर्षक रोषणाई, आनंद आणि प्रकाशाचे प्रतीक मानला जातो. जगभरात सध्या मोठ्या उत्साहात दिवाळीला सुरुवात झाली आहे. दिवाळी म्हटलं की फटाक्यांची आतेषबाजी आलीच. दिवाळीत फटाके फोडायला लहान मुलांपासून ते अगदी मोठ्यांपर्यंत सगळ्यांनाच आवडतात. दिवाळीत फटाके फोडण्याची परंपरा अनेक वर्षांपासून सुरु आहे. मात्र काहीवेळा फटाके फोडताना आणि दिवे लावताना मोठ्या दुर्घटना होतात. या दुर्घटनांमुळे जखमी होणाऱ्या किंवा मृत्यू होणाऱ्यांची संख्याही अधिक असते. अशातच आता ऐन दिवाळीत बदलापूरच्या खरवई परिसरातील बाल्कनीत रॉकेट घुसल्याने घराला आग लागल्याची दुर्घटना घडली आहे.


बदलापुरातील खरवई परिसरातील प्रेशियस हेरिटेज इमारतीत फटाके फोडताना उडवलेलं रॉकेट एका घराच्या बाल्कनीत जाऊन पडले. त्यामुळे घराला भीषण आग लागली. यावेळी अग्निशमन दलाने तातडीने घटनास्थळी धाव घेत ही आग आटोक्यात आणली. सुदैवाने यावेळी घरात कुणीही नसल्याने कुणालाही इजा झाली नाही. मात्र घरातील काही साहित्य जळून खाक झालं.



फटाके फोडताना रॉकेट थेट घुसलं बाल्कनीत


गुरुवारी रात्री ११ वाजताच्या सुमारास बदलापूरच्या खरवई परिसरातील प्रेशियस हेरिटेज इमारतीत ही आगीची घटना घडली. या इमारतीबाहेर कुणीतरी फटाके फोडताना उडवलेलं रॉकेट थेट ४०५ क्रमांकाच्या फ्लॅटमधील बाल्कनीत जाऊन पडलं. त्यामुळे बाल्कनीत असलेल्या साहित्याने पेट घेतला. यानंतर तिथे मोठी आग लागली.



बाल्कनीत कपडे, ज्वलनशील पदार्थ ठेवू नये


या आगीमुळे बाल्कनीत असलेली पुस्तकं, सायकल आणि लाकडी साहित्य जाळून खाक झालं. यानंतर इमारतीतील रहिवाशांनी अग्निशमन दलाला या घटनेची माहिती दिली. यावेळी अग्निशमन दलाने घटनास्थळी धाव घेत दरवाजा तोडून घरात प्रवेश केला. यानंतर त्यांनी ही आग विझवली. त्यामुळे मोठं नुकसान टळलं. मात्र बदलापुरातील नागरिकांना या घटनेमुळे धक्का बसला आहे. तसेच नागरिकांनी दिवाळीच्या दिवसात घर बंद करून जाताना बाल्कनीत कपडे, ज्वलनशील पदार्थ ठेवू नये, असं आवाहन अग्निशमन दलानं केलं आहे.


Comments
Add Comment

Mumbai Book Festival: मुंबईत २४ नोव्हेंबरपासून पुस्तक महोत्सव; मुख्यमंत्र्यांच्या हस्ते उद्घाटन

मुंबई : पुस्तकप्रेमी, साहित्यिक आणि वाचकांसाठी मुंबईत येत्या २४ नोव्हेंबरपासून सहा दिवसांचा पुस्तक महोत्सव

Maharashtra State Government Decision: क्राईम ब्रँच, आर्थिक गुन्हे शाखेला आता पोलीस ठाण्याचा दर्जा; राज्य सरकारचा निर्णय

मुंबई : मुंबई पोलिसांच्या गुन्हे शाखेला (क्राईम ब्रँच) आणि आर्थिक गुन्हे शाखेला (ईओडब्ल्यू) आता अधिकृतपणे पोलीस

Anti-Narcotics Van: अमली पदार्थांविरोधी मोहिमांसाठी मुंबई पोलिसांना ‘अँटी-नार्कोटिक्स व्हॅन’

मुंबई : अमली पदार्थांची तस्करी आणि विक्री रोखण्यासह गुन्ह्यांच्या तपासातील त्रुटी दूर करण्यासाठी मुंबई

Kurla Crime: कुर्ल्यात तरुण जोडप्याला हॉकी स्टिक, बेल्टने मारहाण; 8 अल्पवयीन मुलांवर गुन्हा दाखल

कुर्ला येथील एका बागेत किशोरवयीन जोडप्याला मारहाण केल्याप्रकरणी घाटकोपर पोलिसांनी आठ मुलांना ताब्यात घेतले

Shiv Sena Blood Donation Camp: रक्ततुटवड्याच्या पार्श्वभूमीवर शिवसेनेचे मुंबईत रक्तदान अभियान

मुंबई : गरजू रुग्णांना वेळेवर रक्त उपलब्ध व्हावे, या सामाजिक जबाबदारीतून शिवसेना रविवारी, 22 नोव्हेंबरपासून

पवई तलावावर साकारलंय देशातील सर्वात भव्य म्युझिकल फाउंटन, लाईट अँड साउंड शोमधून उलगडणार मराठ्यांच्या शौर्यगाथा!

मुंबई: मुंबईतील पर्यटनामध्ये भर घालण्यासाठी राज्य सरकारकडून महत्त्वाचा निर्णय घेण्यात आला आहे. राज्य