Bus Accident : गोंदियात भीषण अपघात! शिवशाही बस पलटली; १० जणांचा मृत्यू

मृतांचा आकडा आणखी वाढण्याची शक्यता


गोंदिया : गोंदियामध्ये भीषण अपघात (Gondia Bus Accident) घडल्याची बातमी समोर आली आहे. या अपघातामध्ये आतापर्यंत १० जणांचा मृत्यू झाला असून अनेक प्रवासी गंभीर जखमी झाले आहेत. सध्या बचावकार्य सुरु असून मृतांचा आकडा आणखी वाढण्याची शक्यता वर्तवण्यात येत आहे.



मिळालेल्या माहितीनुसार, आज दुपारी १ वाजेच्या सुमारास नागपुरहून गोंदियाकडे येत असलेली शिवशाही बस (Shivshahi Bus Accident) पलटली. बस चालकाने एका दुचाकीला ओव्हरटेक करताना डव्वा गावाजवळ बस उलटून जवळपास २० फूट रस्त्यापासून घासत गेली. त्यामुळे या अपघातात बसमधील ८ ते १० प्रवाशांचा जागीच मृत्यू झाला असून अनेक प्रवासी गंभीर जखमी झाले आहेत.


दरम्यान, डव्वा येथील गावकऱ्यांनी अपघातस्थळी धाव घेत बसमध्ये अडकून पडलेल्या प्रवाशांना बाहेर काढले. तसेच रुग्णवाहिका बोलावून त्यांना गोंदिया येथील शासकीय वैद्यकीय महाविद्यालयात दाखल करण्यात आले आहे. अपघाताची माहिती मिळताच डुग्गीपार पोलिस स्टेशनचे पोलिस घटनास्थळी दाखल होत मदत कार्याला सुरुवात करण्यात आली आहे.



काळजीवाहू मुख्यमंत्र्यांनी घेतला घटनेचा आढावा


काळजीवाहू मुख्यमंत्री एकनाथ शिंदे (CM Eknath Shinde) यांनी गोंदिया अपघाताबाबत स्थानिक प्रशासनाकडून परिस्थितीची माहिती घेतली. तसेच जखमींना तातडीने आणि योग्य उपचार देण्याच्या सूचना देखील दिल्या. त्याचप्रमाणे अपघातातील मृतांना तातडीने १० लाख रुपयांची मदत देण्याचे आदेशही काळजीवाहू मुख्यमंत्री एकनाथ शिंदे यांनी दिले आहेत.



अपघाताबाबत देवेंद्र फडणवीस यांचे ट्वीट


गोदिंयामधील शिवशाही बस अपघातावर देवेंद्र फडणवीस (Devendra Fadnavis) यांनी ट्विटरवर पोस्ट करत अतिशय दुर्दैवी घटना असल्याचे म्हटले आहे. ''गोंदिया जिल्ह्यातील सडकअर्जुनीनजीक शिवशाही बसचा दुर्दैवी अपघात होऊन काही प्रवाशांचा मृत्यू झाल्याची घटना अतिशय दुर्दैवी आहे. मृतांना मी भावपूर्ण श्रद्धांजली अर्पण करतो. त्यांच्या कुटुंबीयांच्या दु:खात आम्ही सहभागी आहोत. या घटनेत जे लोक जखमी झाले, त्यांना खाजगी रुग्णालयात उपचार द्यावे लागले तरी ते तातडीने द्या, असे निर्देश देण्यात आले आहेत. आवश्यकता भासल्यास त्यांना नागपूरला हलविण्याची व्यवस्था करा, असेही मी गोंदियाच्या जिल्हाधिकार्‍यांना सांगितले आहे. प्रशासनातील वरिष्ठ अधिकारी घटनास्थळी पोहोचले असून, ते मदतकार्यासाठी समन्वय करीत आहेत. या घटनेतील जखमींना लवकर आराम पडावा, अशी मी ईश्वरचरणी प्रार्थना करतो'', असे देवेंद्र फडणवीस यांनी म्हटले आहे.




Comments
Add Comment

Sugar Price Hike : महागाईचा गोडवा कडू! सणासुदीशिवायच साखरेच्या दरात मोठी उसळी; जाणून घ्या प्रमुख शहरांतील ताजे दर

सर्वसामान्य नागरिकांच्या स्वयंपाकघराचे आर्थिक गणित पुन्हा एकदा बिघडवणारी बातमी समोर आली आहे. कोणताही सण-उत्सव

गोशाळांच्या जमीन व्यवहारांना कृषिदर लागू होणार, महसूलमंत्री चंद्रशेखर बावनकुळे यांची घोषणा

मुंबई: गोशाळांचे आर्थिक बळ वाढविण्यासाठी राज्य सरकारने महत्त्वाचा निर्णय घेतला आहे. यापुढे गोशाळांसाठी जमीन

Narhari Zirwal : लाचखोरी प्रकरणात मंत्री नरहरी झिरवळ यांचा माजी खासगी सचिव निलंबित

मुंबई : अन्न व औषध प्रशासन मंत्री नरहरी झिरवळ यांच्या कार्यालयाशी संबंधित लाचखोरी प्रकरणी त्यांचे तत्कालीन

Kartiki Ekadashi 2026: ‘बळीराजाला संकटात वाऱ्यावर सोडणार नाही’; विठुरायाच्या चरणी शिंदेंचे साकडे

पंढरपूर: कार्तिकी एकादशीच्या पार्श्वभूमीवर शनिवारी टाळ-मृदंगाचा गजर, हरिनामाचा जयघोष आणि विठुरायाच्या

शेतकऱ्यांसाठी मोठी बातमी! ‘ओटीएस’ कर्जमुक्तीची पहिली यादी जाहीर; लाखो शेतकऱ्यांना मिळणार योजनेचा लाभ

मुंबई: पुण्यश्लोक अहिल्यादेवी होळकर शेतकरी कर्जमुक्ती योजना 2026 अंतर्गत एकवेळ समझोता (ओटीएस) साठी पात्र

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण