Reshma Shinde : शुभमंगल सावधान! रेश्मा शिंदेने केली ‘आयुष्याची नवी सुरुवात’

पुणे : 'लगोरी', ‘नांदा सौख्यभरे’, ‘चाहूल’, ‘रंग माझा वेगळा’, ‘घरोघरी मातीच्या चुली’ या सर्व मालिकांमधून अभिनेत्री रेश्मा शिंदे लोकांच्या घराघरांत लोकप्रिय झाली. अभिनेत्री सध्या तिच्या वैयक्तिक आयुष्यामुळे चर्चेत आली आहे. अभिनेत्री रेश्मा शिंदे नुकतीच लग्नबंधनात अडकली आहे. अभिनेत्रीच्या लग्नाची खूप दिवसांपासून चर्चा सुरु होती. अभिनेत्रीने तिच्या लग्नाची तयारीसुद्धा चाहत्यांसह सोशल मीडियावर शेअर केली होती. मात्र अभिनेत्रीने होणाऱ्या नवऱ्याचा नाव आणि चेहरा अद्याप समोर आणला नव्हता. आता अखेर अभिनेत्रीच्या लग्नाचे फोटो समोर आले आहेत. अभिनेत्री आता पवनसह लग्नबंधनात अडकली आहे. अभिनेत्रीने सोशल मीडियावर लग्नाचे फोटो शेअर करून चाहत्यांना खुशखबर दिली आहे. रेश्माच्या लग्नापुर्वीच्या विधींचे अनेक व्हिडीओ, फोटो सोशल मीडियावर तुफान व्हायरल होत आहेत. अभिनेत्रीचा पुण्यात शुभविवाह सोहळा संपन्न झाला आहे. रेश्माच्या लग्नाच्या फोटोंवर चाहते आणि मराठी सेलिब्रिटी शुभेच्छांचा वर्षाव करताना दिसत आहेत.



रेश्मा आणि पवनची काल हळदीचा कार्यक्रम पार पडला. आता समोर आलेल्या फोटोंमध्ये रेश्मा आणि पवन यांचा पारंपरिक लूकने चाहत्यांचे लक्ष वेधून घेतले आहे. रेश्मा आणि पवन यांचा लग्नासाठीचा मराठमोळा लूक खूप खास आहे. अभिनेत्रीने यावेळी गुलाबी रंगाची नऊवारी साडी हिरवा चुडा, चंद्रकोर, नाकात नथ, केसात चंद्रकोरचा खोप आणि मोत्यांचे दागिने परिधान करत सुंदर लुक तयार केला आहे. तर अभिनेत्री रेश्माच्या नवऱ्याने ऑफ व्हाईट शेरवानी, धोतर आणि गुलाबी रंगाचा शेला परिधान करत नवऱ्या मुलाचा लूक तयार केला आहे. या लूकमध्ये दोघेही भारी दिसत आहे. दोघांच्या फोटोवर चाहत्यांसह अनेक मराठी कलाकार देखील तिला लग्नासाठी शुभेच्छा देत आहेत.





रेश्माने शेअर केलेल्या फोटोमध्ये दोघे सप्तपदी घेताना दिसत आहे. तर कानपिळी विधीचा फोटोही अभिनेत्रीने शेअर केला आहे. बरेच दिवसांपासून रेश्माच्या लग्नाची चर्चा सुरु होती. रेश्माने तिच्या नवऱ्याबाबत काहीचं उघड केले नव्हते. मात्र सर्वानाच उत्सुकता होती की रेश्माचा नवरा आहे तरी कोण? अखेर काल अभिनेत्रीच्या हळदीदिवशी तिच्या नवऱ्याचा फोटो समोर आला. रेश्माने तिच्या हळदीदिवशी शेअर केलेल्या फोटोंमध्ये नवऱ्याची झलक चाहत्यांना दिसली. याचदरम्यान अभिनेत्री आणि तिचा नवरा पवन या दोघांचीही जोडी सुंदर दिसत आहे.





अभिनेत्रींच्या कामाबद्धल बोलायचं झाल्यास रेश्माने मराठी मालिका 'लगोरी', ‘रंग माझा वेगळा’, ‘घरोघरी मातीच्या चुली’ या मालिकांमधून अभिनेत्री प्रेक्षकांच्या घरोघरी पोहचली. अभिनेत्री सोशल मीडियावर देखील जास्त सक्रिय असल्यामुळे तिचा चाहतावर्ग मोठ्या प्रमाणात आहे. आपल्या सहज सुंदर अभिनयाने रेश्मा नेहमीच सर्वांचं लक्ष वेधून घेत असते. तसेच रेश्माने व्यवसाय क्षेत्रात पदार्पण सुद्धा केलं आहे. छोट्या पडद्यावरील ही अभिनेत्री आता उद्योजिका झाली आहे. रेश्माने पुण्यात कोथरुड येथे पालमोनास या ज्वेलरी ब्रँडबरोबर भागीदारी करून स्वत:चे ज्वेलरी शॉप उघडले आहे.


Comments
Add Comment

Om Operation Mole: धनुषच्या ‘ओम’चा बॉक्स ऑफिसवर धमाका! कारकिर्दीतील सर्वात मोठी ओपनिंग

Om Operation Mole: धनुषचा 'ओम' आणि जपानी मॉन्स्टर चित्रपट 'गॉडझिला मायनस झिरो' हे दोन मोठे चित्रपट 20 नोव्हेंबर रोजी प्रदर्शित

Bollywood Entertainment News: भाईजानने श्रद्धा कपूरची मागितली माफी! 4 डिसेंबरला ‘मातृभूमी’ आणि ‘ईठा’ची बॉक्स ऑफिस टक्कर

Bollywood Entertainment News: बॉलिवूड अभिनेता सलमान खान सध्या त्याच्या आगामी ‘मातृभूमी’ चित्रपटामुळे चर्चेत आहे. हा चित्रपट

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी,

OM MOVIE REVIEW : 'पुष्पा'लाही मागे टाकणार ? धनुष-ममूटींचा 'OM: Operation Mole' चित्रपटगृहात दाखल; वाचा प्रेक्षकांचा पहिला रिव्ह्यू!

मुंबई : दाक्षिणात्य सिनेसृष्टीतील दिग्गज कलाकार धनुष, ममूटी आणि अभिनेत्री साई पल्लवी यांच्या प्रमुख भूमिका

Bigg Boss 20 Extension: TRP चा धमाका! 'बिग बॉस 20' आणखी 2 ते 4आठवडे वाढणार?

Bigg Boss 20 Extension: सर्वाधिक चर्चेत असणारा रिॲलिटी शो ‘बिग बॉस 20’ बद्दल एक मोठी बातमी समोर येत आहे. 6 सप्टेंबर 2026 रोजी सुरू

Kriti Sanon Dating: लंडन, ग्रीस आणि आता वाढदिवसाची पोस्ट! क्रिती-कबीरच्या नात्याबद्दल चाहत्यांमध्ये उत्सुकता

Kriti Sanon Dating: बॉलीवूड अभिनेत्री क्रिती सॅनॉन सध्या तिच्या चित्रपटांपेक्षा तिच्या वैयक्तिक आयुष्यामुळे जास्त चर्चेत