ढोल ताशांच्या गजरात साई बाबांच्या मिरवणुकीची पेण शहरात परिक्रमा

ओम साई पदयात्रा मित्र मंडळाच्या मिरवणुकीने संपूर्ण पेण शहर साईमय


पेण(देवा पेरवी): पेण तालुक्यासह रायगड जिल्ह्यात श्री साई बाबांची मानाची पालखी म्हणून समजल्या जाणाऱ्या ओम साई पदयात्रा मित्र मंडळाच्या भव्यदिव्य मिरवणुकीने संपूर्ण पेण शहर साईमय वातावरणात न्हाऊन गेले. पेण साई मंदिर कासार तलाव येथून सायंकाळी सहा वाजता विद्युत रोषणाई, ढोल ताशांच्या गजरात व वरळी बिट्स ब्रॉसबँड पथकाच्या सुंदर संगीताच्या तालावर मिरवणुकीस सुरुवात झाली. या मिरवणूक सोहळ्यामध्ये तीन चलचित्र रथ शामिल झाले होते. यामध्ये द्वारकामाई मंदिर, बैलगाडी हकताना साईबाबा, हुबेहुब दिसणारे साईबाबा यांचा विशेष समावेश होता. साई बाबांच्या मिरवणुकीची संपूर्ण पेण शहरात परिक्रमा करण्यात आली.


श्री साई बाबांच्या पालखी मिरवणुकीची सुरुवात प्रांताधिकारी प्रवीण पवार, तहसीलदार तानाजी शेजाळ, उपविभागीय पोलीस अधिकारी गजानन टोम्पे, पेण पोलीस निरीक्षक संदीप बागुल, वडखळ पोलीस निरीक्षक प्रसाद पांढरे, दादर सागरी प्रभारी अधिकारी नागेश कदम, अपघातग्रस्तांचे मदतगार कल्पेश ठाकूर यांच्या हस्ते व हजारो महिलांच्या उपस्थितीत साई बाबांची महाआरती घेऊन करण्यात आली.


पेण साई मंदिरा पासून फटाक्यांच्या आतषबाजीत सुरू झालेली मिरवणूक तेरा घरांची आळी, चावडी नाका, आंबेडकर चौक, नगरपालिका चौक, राजू पोटे मार्ग, कोळीवाडा, बाजार पेठ, छत्रपती शिवाजी महाराज चौक, कासार आळी, हनुमान आळी आणि पुन्हा साई मंदिर येथे वाजत गाजत आली. पालखी मार्गावर सर्वत्र भगवे पताके, भगवे झेंडे लावण्यात आले होते. हजारोंच्या संख्येने महिला वर्ग व पेणकर या पालखी मिरवणुक सोहळयामध्ये सामील झाले होते. गुरुवारी सायंकाळी 6 ते रात्री 10 वाजेपर्यत पालखी मिरवणूक पेण शहरात फिरल्या नंतर श्री साई बाबांच्या महाआरतीने व महाप्रसादाने मिरवणुकीची सांगता करण्यात आली. त्यानंतर शुक्रवारी सकाळी 6 वाजता साई बाबांची पालखी पायी चालत शिर्डीकडे मार्गस्थ झाली.


गेली 16 वर्ष ओम साई पदयात्रा मित्र मंडळ पेण ते शिर्डी पर्यंत साई पालखीची सेवा करत आहेत. पेण येथून निघालेली ही बाबांची पालखी सोमवार दि.6 डिसेंबर रोजी सकाळी 10 वाजता शिर्डीत पोहोचणार आहे. तसेच सोमवार 9 डिसेंबर रोजी सायंकाळी 7 वाजता सेंच्युरीयन पार्क चिंचपाडा पेण येथे साईंचा भंडारा होणार आहे.


सदर मिरवणूक पालखी सोहळा यशस्वी करण्यासाठी ओम साई पदयात्रा मित्र मंडळाचे सर्वेसर्वा कल्पेश ठाकूर, मितेश भानुशाली व त्यांचे 200 सभासद गेली महिनाभर दिवस रात्र मेहनत घेत होते. पेणकर वर्षभर या श्री साई बाबांच्या भव्यदिव्य मिरवणुकीची वाट पाहत असतात.

Comments
Add Comment

Sugar Price Hike : महागाईचा गोडवा कडू! सणासुदीशिवायच साखरेच्या दरात मोठी उसळी; जाणून घ्या प्रमुख शहरांतील ताजे दर

सर्वसामान्य नागरिकांच्या स्वयंपाकघराचे आर्थिक गणित पुन्हा एकदा बिघडवणारी बातमी समोर आली आहे. कोणताही सण-उत्सव

गोशाळांच्या जमीन व्यवहारांना कृषिदर लागू होणार, महसूलमंत्री चंद्रशेखर बावनकुळे यांची घोषणा

मुंबई: गोशाळांचे आर्थिक बळ वाढविण्यासाठी राज्य सरकारने महत्त्वाचा निर्णय घेतला आहे. यापुढे गोशाळांसाठी जमीन

Narhari Zirwal : लाचखोरी प्रकरणात मंत्री नरहरी झिरवळ यांचा माजी खासगी सचिव निलंबित

मुंबई : अन्न व औषध प्रशासन मंत्री नरहरी झिरवळ यांच्या कार्यालयाशी संबंधित लाचखोरी प्रकरणी त्यांचे तत्कालीन

Kartiki Ekadashi 2026: ‘बळीराजाला संकटात वाऱ्यावर सोडणार नाही’; विठुरायाच्या चरणी शिंदेंचे साकडे

पंढरपूर: कार्तिकी एकादशीच्या पार्श्वभूमीवर शनिवारी टाळ-मृदंगाचा गजर, हरिनामाचा जयघोष आणि विठुरायाच्या

शेतकऱ्यांसाठी मोठी बातमी! ‘ओटीएस’ कर्जमुक्तीची पहिली यादी जाहीर; लाखो शेतकऱ्यांना मिळणार योजनेचा लाभ

मुंबई: पुण्यश्लोक अहिल्यादेवी होळकर शेतकरी कर्जमुक्ती योजना 2026 अंतर्गत एकवेळ समझोता (ओटीएस) साठी पात्र

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण