नव्याने भडकलेला वणवा विनाशकारी ईटन आणि पॅलिसेड्स पासून सुमारे ४० किमी. अंतरावर आहे. मागील तीन आठवड्यांपासून वणव्यामुळे लॉस एँजेलिसचे जंगल नष्ट होत आहे.जंगलातील पॅलिसेड्समुळे २३ हजार ४४८ एकर तर इटनमुळे १४ हजार २१ एकर जंगल जळून खाक झाले आहे. पॅलिसेड्स वणवा ६८ टक्के नियंत्रणात आली आहे तर ईटन वणवा ९१ टक्के नियंत्रणात आली आहे. पण नव्याने भडकेला वणवा अद्याप नियंत्रणात आलेला नाही.
याव्यतिरिक्त, सॅन दिएगोमधील लिलाक वणवा ९५ टक्के नियंत्रणात आहे. रिव्हरसाईडमधील क्ले फायर नावाचा वणवा ४५ टक्के नियंत्रणात आहे. या व्यतिरिक्त सॅन दिएगो काउंटी येथे सेंटर फायर नावाचा वणवा भडकला आहे. या वणव्याची सुरुवात बुधवार २२ जानेवारी रोजी झाली. या वणव्याने चार हजार एकरांपेक्षा जास्त जंगल जळून खाक झाले आहे.
ज्या भागांमध्ये वणवा पेटला आहे त्या भागांमध्ये ताशी ४० ते ६० मैल वेगाने वारे वाहत आहेत. वाऱ्यामुळे वणवा नियंत्रणात आणणे कठीण झाले आहे. पुढील काही तास तर ताशी ७० मैल वेगाने वारे वाहण्याची शक्यता आहे. वाऱ्याचा वेग वाढला तर परिस्थिती आणखी बिकट होण्याचा धोका आहे.