भारताचा ७६ वा प्रजासत्ताक दिन उत्साहात साजरा, पाच हजार कलाकारांचा सांस्कृतिक कार्यक्रम; चित्ररथातून विरोधकांच्या खोट्या प्रचाराला प्रत्युत्तर

नवी दिल्ली : भारताचा ७६ वा प्रजासत्ताक दिन उत्साहात साजरा झाला. कर्तव्य पथावर विजय चौक ते इंडिया गेट असे संचलन झाले. पहिल्यांदाच पाच हजार कलाकारांनी कर्तव्य पथावर सांस्कृतिक कार्यक्रम सादर केले. बिरसा मुंडा यांना १५० व्या जयंती निमित्त श्रद्धांजली वाहण्यात आली. सुमारे अकरा मिनिटांच्या 'जयति जय मम् भारतम्' या सांस्कृतिक कार्यक्रमाने उपस्थितांची मनं जिंकली. यंदाच्या संचलनात सहभागी झालेल्या चित्ररथांमध्ये एक भारतीय संविधानाशी संबंधित होता. भारत सरकारच्या सार्वजनिक बांधकाम विभागाने संविधानाचा चित्ररथ साकारला होता. या चित्ररथातून मोदी सरकार आले तर संविधान बदलेल या विरोधकांच्या खोट्या प्रचाराला चोख प्रत्युत्तर देण्यात आल्याची चर्चा राजकीय वर्तुळात सुरू आहे.





यंदाच्या प्रजासत्ताक दिनासाठी इंडोनेशियाचे राष्ट्राध्यक्ष प्रबोवो सुबियांतो हे शाही पाहुणे म्हणून उपस्थित होते. प्रजासत्ताक दिनाच्या सोहळ्यासाठी देशाच्या कानाकोपऱ्यातील दहा हजार जणांना विशेष आमंत्रण होते. राष्ट्रपती, उपराष्ट्रपती, लोकसभाध्यक्ष, पंतप्रधान, केंद्रीय मंत्रिमंडळ, लष्कराच्या तिन्ही दलांचे प्रमुख, अनेक देशांचे राजदूत तसेच अनेक मान्यवर सोहळ्याला उपस्थित होते.



कर्तव्य पथावर परंपरेनुसार लष्कराने संचलन केले. कलाकारांचे सांस्कृतिक कार्यक्रम झाले. चित्ररथांनी सोहळ्याची रंगत आणखी वाढवली. भारताच्या कानाकोपऱ्यातील अनेक कलाकारांना कर्तव्य पथावर कला सादर करण्याची संधी मिळाली. लोककला, आदिवासी नृत्य प्रकार यांनाही संचलनात मानाचे स्थान मिळाले. युवा शक्ती, महिला शक्ती, भारताची कलेची थोर परंपरा यांचे सादरीकरण करण्यात आले. 'एक भारत श्रेष्ठ भारत' या संकल्पनेवर आधारित 'विकसित भारत: विरासत भी विकास भी' या नृत्यातून बिरसा मुंडा यांना १५० व्या जयंती निमित्त श्रद्धांजली वाहण्यात आली. सुमारे अकरा मिनिटांच्या 'जयति जय मम् भारतम्' या सुभाष सहगल यांनी लिहिलेल्या गीताला शंकर महादेवन यांचे संगीत आणि हरिश भिमानी यांचे पार्श्वसंगीत लाभले. या गाण्याने उपस्थितांची मनं जिंकली. कर्तव्य पथावरील सादरीकरणासाठी राष्ट्रीय नाटक अकादमीने कलाकारांना मार्गदर्शन केले होते.



परंपरेनुसार कर्तव्य पथावरील संचलनानंतर आकाशात विमान आणि हेलिकॉप्टर यांच्या चित्तथरारक कसरती झाल्या. यात २२ लढाऊ विमानांसह ११ मालवाहक विमानांचा ताफा तसेच सात हेलिकॉप्टरचा ताफा सहभागी झाला होता.

याआधी प्रजासत्ताक दिन सोहळ्यासाठी आलेल्या सर्वांचे लक्ष पंतप्रधान मोदींच्या वेशभूषेने वेधून घेतले. पंतप्रधान मोदींनी यंदाच्या सोहळ्यासाठी चॉकलेटी रंगाचा बंद गळ्याचा कोट घातला होता. डोक्यावर केशरी रंगाचा फेटा खुलून दिसत होता. या फेट्यात लाल आणि पिवळ्या रंगछटांचे छान मिश्रण दिसत होते.

पंतप्रधान मोदींनी परंपरेनुसार सकाळी राष्ट्रीय युद्ध स्मारकावर जाऊन वीरांना सलामी दिली. वीर जवान ज्योतीसमोर मौन पाळले. परंपरेनुसार वीरांना पुष्पांजली अर्पण करण्यात आली.

मोदींनी सोशल मीडियाद्वारे देशवासियांना प्रजासत्ताक दिनाच्या शुभेच्छा दिल्या. प्रजासत्ताक दिन हा राष्ट्रीय सण आपल्याला संविधानाच्या चौकटीत राहून भारताला समृद्ध आणि सशक्त राष्ट्र म्हणून घडवण्यासाठी प्रेरणा देतो; असे पंतप्रधान मोदी म्हणाले. पंतप्रधान मोदींनी देशासाठी बलिदान देणाऱ्या स्वातंत्र्यसैनिकांना आणि शूर सैनिकांना श्रद्धांजली अर्पण केली. लोकशाही मूल्यांना जपत भारत विकास करेल आणि हा विकास सर्वसमावेशक असेल, असा विश्वास पंतप्रधान मोदींनी व्यक्त केला.
Comments
Add Comment

विश्वासाला तडा! नातवानेच 87 वर्षांच्या निवृत्त नौदल अधिकाऱ्याला लुटले, मित्रासोबत मिळून उडवले तब्बल 29.5 लाख रुपये!

ज्या वयात कुटुंबाची साथ आणि प्रेमाची सर्वाधिक गरज असते, त्याच वयात घरच्याच व्यक्तीने विश्वासघात केल्याचा

UP Election 2027 : मोदी-शाह यांच्या दौऱ्यांचे नियोजन; उत्तर प्रदेश निवडणुकीसाठी भाजपची रणनीती तयार

पुढील वर्षाच्या सुरुवातीला होणाऱ्या उत्तर प्रदेश विधानसभा निवडणुकांसाठी राजकीय पक्ष तयारी करत असून रणनीती आखत

सहकाऱ्यांनीच व्यापाऱ्याला बांधून पेटवले? बंगळुरूमधील 2 धक्कादायक घटना

कर्नाटकची राजधानी बंगळुरू येथून एक अत्यंत अंगावर काटा आणणारी आणि खळबळजनक घटना समोर आली आहे. दक्षिण बंगळुरू

Uttar Pradesh Election : UP निवडणुकीपूर्वी भाजपचा 'मथुरा प्लॅन' काय आहे ? श्रीकृष्ण जन्मभूमी आणि UCC चा राजकारणावर कसा परिणाम होणार ?

उत्तर प्रदेश : उत्तर प्रदेशातील आगामी विधानसभा निवडणुका जिंकण्यासाठी भारतीय जनता पक्षाने (भाजप) आतापासूनच

'लश्करचा शेवटचा स्थानिक दहशतवादी ठार!' केंद्रीय गृहमंत्री अमित शाह यांचे विधान; सुरक्षा दलांचे कौतुक

नवी दिल्ली : जम्मू-काश्मीरमधील कुलगाम येथे लश्कर-ए-तैयबाचा दहशतवादी लतीफ भट याला सुरक्षा दलांनी ठार केल्यानंतर

Akvan Cyclone: अकवान चक्रीवादळाचा वेग वाढला; 20 नोव्हेंबरला किनारपट्टीवर धडकण्याची शक्यता

भारतीय हवामान विभागाच्या माहितीनुसार, अकवान चक्रीवादळ बुधवारी तीव्र वादळात रूपांतरित झाले असून २० नोव्हेंबर