स्मृती मंधानाने पटकावला आयसीसी क्रिकेटपटू ऑफ द ईयर पुरस्कार

मुंबई : आयसीसीने सोमवारी (२७ जानेवीरी) वनडेतील सर्वोत्तम महिला आणि पुरुष क्रिकेटपटू पुरस्कार विजेत्यांची घोषणा केली आहे. यादरम्यान, भारतासाठीही आनंदाची बातमी मिळाली आहे.यामध्ये महिला संघात टीम इंडियाची स्मृती मानधना हिला पुरस्कार मिळाला आहे.तर पुरुष संघात भारताचा वेगवान गोलंदाज अर्शदीपनेही आयसीसी पुरस्कार २०२४ मध्ये आपला ठसा उमटवला आहे.


भारताची स्टार क्रिकेटपटू आणि उपकर्णधार स्मृती मानधनाला आयसीसीचा सर्वोत्तम महिला वनडे क्रिकेटपटू २०२४ पुरस्कार मिळाला आहे. स्मृतीसह या पुरस्कारासाठी श्रीलंकेची चमारी अट्टापट्टू, ऑस्ट्रेलियाची ऍनाबेल सदरलँड, दक्षिण आफ्रिकेची लॉरा वॉल्डरवार्ट या खेळाडूंनाही नामांकन मिळाले होते. पण त्यांना मागे टाकत मानधनाने हा पुरस्कार पटकावला आहे. मानधना आयसीसीच्या महिला वनडे संघ २०२४ मध्येही स्थान मिळवण्यात यशस्वी ठरली आहे. तिला आणि भारताची अष्टपैलू दीप्ती शर्मा हिचा आयीसीसीच्या सर्वोत्तम महिला वनडे संघ २०२४ मध्ये समावेश आहे.


स्मृतीने दक्षिण आफ्रिका, ऑस्ट्रेलिया, न्यूझीलंड, वेस्ट इंडिज या संघाविरुद्ध वनडे क्रिकेट खेळले आहे.तिने २०२४ वर्षात वनडेमध्ये सातत्यपूर्ण कामगिरी केली. तिने दक्षिण आफ्रिकेविरुद्ध वनडे मालिकेत तीन सामन्यात ३४३ धावा केल्या होत्या, तिने ऑस्ट्रेलियाविरुद्धही शतक ठोकले. स्मृतीने २०२४ मध्ये १३ वनडे सामने खेळताना ४ शतके आणि ३ अर्धशतकांसह ५७.४६ च्या सरासरीने ७४७ धावा केल्या. तिने या वर्षात महिला वनडेमध्ये सर्वाधिक शतके करण्याचा विक्रमही आपल्या नावावर केला.


भारताचा वेगवान गोलंदाज अर्शदीपनेही आयसीसी पुरस्कार २०२४ मध्ये आपला ठसा उमटवला आहे. त्याला आयसीसीचा सर्वोत्तम टी२० पुरुष क्रिकेटपटूचा पुरस्कार जाहीर झाला आहे. अर्शदीपने या संपूर्ण वर्षात शानदार खेळ केला होता. त्याने २०२४ वर्षात १८ आंतरराष्ट्रीय टी२० सामन्यांमध्ये १३.५ च्या सरासरीने ३६ विकेट्स घेतल्या होत्या.


आयसीसीचा सर्वोत्तम पुरुष वनडे क्रिकेटपटू २०२४ पुरस्कार अफगाणिस्तानच्या अझमतुल्ला ओमरझाई याला मिळाला आहे.त्याने हा पुरस्कार मिळवताना वनिंदू हसरंगा (श्रीलंका), कुशल मेंडिस (श्रीलंका) आणि शेर्फेन रुदरफोर्ड (वेस्ट इंडिज) यांना मागे टाकले. या तिघांनाही या पुरस्कारासाठी मानांकन मिळाले होते.त्याने २०२४ वर्षात ओमरझाईने १४ सामने खेळले. यामध्ये त्याने ४१७ धावा केल्या आणि १४ विकेट्सही घेतल्या आहेत. त्यामुळे त्याच्या या शानदार कामगिरीनंतर त्याला हा पुरस्कार मिळाला आहे.

Comments
Add Comment

WTC 2025-27 Points Table: IND vs NZ कसोटी मालिकेपूर्वी गुणतालिकेत मोठा बदल; या दोन संघांना बसला फटका

आयसीसी वर्ल्ड टेस्ट चॅम्पियनशिप स्पर्धेच्या अंतिम फेरीची चुरस वाढली आहे. या स्पर्धत एकूण नऊ संघ होते आणि

नेमबाजीच्या मैदानाबाहेरही मनू भाकरचा धमाका! जागतिक स्तरावर मिळाली सर्वात मोठी जबाबदारी; आता थेट नियम ठरवणार!

नवी दिल्ली : ऑलिम्पिक पदकांची कमाई करून संपूर्ण देशाची मान उंचावणारी भारताची स्टार नेमबाज मनू भाकर आता जागतिक

अखिल भारतीय खुल्या आंतरराष्ट्रीय मानांकन बुद्धिबळ स्पर्धेचा समारोप; नागपूरचा शौनक बडोले प्रथम

अहिल्यानगर (प्रतिनिधी) : बुद्धिबळ खेळाच्या प्रचार आणि प्रसारासाठी अहिल्यानगर जिल्हा बुद्धिबळ संघटनेच्या वतीने

IPL 2027 Retention: आयपीएल लिलावापूर्वी हेड, मिचेल स्टार्कसह दिग्गजांना दाखवला बाहेरचा रस्ता; पाहा सर्व 10 संघांची यादी

आयपीएल 2027 स्पर्धेच्या लिलावापूर्वी सर्व फ्रेंचायझींनी संघातून रिलीज केलेल्या खेळाडूंची यादी जाहीर केली आहे.

चुकीला माफी नाही..! गुरनूर ब्रार आयसीसीने दिला दणका, टिम सैफर्टसोबत तसं वागणं पडलं महागात

भारतीय संघ न्यूझीलंड दौऱ्यावर असून टी20 मालिकेनंतर वनडे मालिकेत विजय मिळवला. आता भारतीय संघ कसोटी मालिकेसाठी

Mitchell Santner : भारताविरुद्धच्या कसोटी मालिकेतून न्यूझीलंडचा स्टार खेळाडू बाहेर, किवी संघाला मोठा धक्का

भारत आणि न्यूझीलंड यांच्यात खेळल्या जाणाऱ्या आगामी 2 सामन्यांच्या आयसीसी वर्ल्ड टेस्ट चॅम्पियनशिप