One Rupee Kurti Offer : १ रुपयात कुर्ती, महिलांच्या लागल्या रांगा; दुकानदाराने काढला पळ

पुणे : दुकानातील वस्तूंचा खप व्हावा तसेच दुकान नावारूपाला येण्यासाठी विक्रेते नेहमीच अनोखी शक्कल लढवत असतात. कधी सेल लावून तर कधी कमी किंमतीत वस्तू विकून ग्राहकवर्ग खेचून आणतात. काही महिन्यांपूर्वी डोंबिवलीतील एका दुकानात तब्बल १० रुपयांना साड्या विकल्या जात होत्या. याची मोठी जाहिरात देखील केली गेली होती. त्यानुसार लांबपल्ल्याच्या महिलांनी देखील या दुकानाबाहेर गर्दी केली होती. दिवसदिवसभर उन्हात उभं राहून या महिलांना फक्त १० रुपयाला एक साडी मिळाल्यानंतर महिला संतापल्या होत्या. तरीही दुकानाबाहेरची गर्दी काही कमी झालीच नव्हती.


खेडच्या राजगुरूनगर शहरात देखील असाच प्रकार घडला आहे. राजगुरूनगर परिसरात एका दुकानदाराने एक रुपयात कुर्ती अशी ऑफर देऊन गर्दी झाल्यावर दुकान बंद करून पळ काढल्याचा प्रकार घडला आहे. खरेदीसाठी महिलांनी ४- ५ तास रांगेत उभ्या राहिल्यानंतर आक्रमक होऊन दुकानाबाहेरच आंदोलन सुरु केले.




पुणे जिल्ह्यातील खेड तालुक्यामधील राजगुरूनगर शहरात एका दुकानदाराने प्रजासत्ताक दिनाचे औचित्य साधून महिलांसाठी खास १ रुपयाची कुर्ती अशी जाहिरात केली. मोठ्याप्रमाणावर जाहिरातबाजी केल्यानंतर रविवारी सकाळी दुकान उघडताच महिलांची झुंबड उढाली. महिलांनी एकमेकांसोबत संपर्क साधून दुकानाबाहेर गर्दी केली. ४- ५ तासापेक्षा अधिक वेळ रांगेत उभे राहून कुर्ती मिळत नसल्याने महिला आक्रमक झाल्या.


दुकानदाराच्या विरोधात आंदोलन आणि घोषणाबाजी केली. दुकानदाराने दुकान बंद केल्याने महिला आणखी आक्रमक झाल्या. या प्रकरणात पोलिसांनी मध्यस्थी केल्यामुळे महिलावर्ग शांत झाल्या. पोलीस दुकानदाराचा अधिक तपास करत असून पोलिसांनी दुकानदाराशी संपर्क साधला असता प्रतिसाद मिळत नसल्याची माहिती मिळाली आहे.

Comments
Add Comment

वैशाली आणि रूपाली हॉटेलनंतर पुण्यातील खाऊ गल्लीतल्या विक्रेत्यांवरही FDA ची धाड, 5 आस्थापनांना दिली 'व्यवसाय बंद'ची नोटीस

पुणे: सुट्टीच्या अनेक पुणेकरांच्या नाश्त्याची सोय होणाऱ्या सुप्रसिद्ध वैशाली आणि रुपाली या हॉटेलवर अलीकडेच FDA

Pune Crime: रिक्षेतून MD विक्रीचा प्रयत्न उधळला! मार्केटयार्डमध्ये तिघे ताब्यात

पुणे शहरात अंमली पदार्थांच्या विक्रीविरोधात पोलिसांनी कारवाईचा धडाका सुरूच ठेवला आहे. मार्केटयार्ड परिसरात

IAS Transfer: तीन वरिष्ठ अधिकाऱ्यांच्या बदल्या, राज्यातील प्रशासनात मोठा फेरबदल

मुंबई: राज्य शासनाने तीन वरिष्ठ भारतीय प्रशासकीय अधिकाऱ्यांच्या बदलीचा निर्णय घेण्यात आला आहे. पुन्हा एकदा काल

Weather Upadates: बंगालच्या उपसागरात चक्रीवादळाचे संकट; महाराष्ट्रात आज कसे असेल हवामान?

नोव्हेंबर महिन्याच्या मध्यावर देशातील हवामानात मोठे बदल पाहायला मिळत आहेत. बंगालच्या उपसागरात तयार झालेले

Prahaar Marathi News Live, 18 November 2026 : नागपूर अधिवेशन दोन आठवड्यांचं, 7 ते 18 डिसेंबरदरम्यान होणार

Prahaar Marathi News Live दिनांक 18 नोव्हेंबर 2026 च्या लाईव्ह ब्लॉगमध्ये महाराष्ट्रातील राजकीय घडामोडी, स्थानिक बातम्या,

चारा टंचाईवर मात करण्यासाठी रोजगार हमीतून चारा लागवडीला चालना

राज्यात यंदा पावसाने ओढ दिल्याने पशुधनासाठी चाऱ्याचा प्रश्न गंभीर बनण्याची शक्यता आहे. या पार्श्वभूमीवर