महाराष्ट्रात करमणूक कर रद्द झाला आहे. राज्य शासनाच्या अखत्यारित असलेला करमणूक कर २०१७ मध्येच रद्द करण्यात आला आहे. यामुळे चित्रपटावरील करमणूक कर रद्द करण्याची मागणी झाली तरी आता करमणूक कर रद्द होऊ शकत नाही. रद्द करण्यासाठी राज्य शासनाच्या अखत्यारितला करमणूक कर अस्तित्वात नाही, असे मुख्यमंत्री देवेंद्र फडणवीस यांनी सांगितले.
छत्रपती शिवाजी महाराज जयंती निमित्त पुण्यात शिवनेरी किल्ला येथे आले असताना मुख्यमंत्री देवेंद्र फडणवीस यांना प्रसारमाध्यमांच्या प्रतिनिधींनी करमणूक कराबाबतचा प्रश्न विचारला. या प्रश्नाला उत्तर देताना मुख्यमंत्री देवेंद्र फडणवीस यांनी करणमूक कर या बाबतची राज्याची सध्याची स्थिती सांगितली.