आंगणेवाडीत अहोरात्र गर्दीचा भक्ती सागर!

शनिवारी पहाटे पावणेतीन पासून दर्शनास प्रारंभ...


आंगणेवाडी (प्रतिनिधी): श्री देवी भराडी मातेचा जयजयकार ऽऽऽऽ, श्री देवी भराडी माते नमो नमः ऽऽऽऽ असा चाललेला जयघोष, आंगणे कुटुंबीयांच्या वार्षिकोत्सवाच्या म्हणजेच यात्रेच्या पार्श्वभूमीवर देवालयाच्या गाभाऱ्यासह आज मोड यात्रेने सांगता सभामंडपात केलेली फुलांची सजावट आणि मंदिराच्या कळसावरून केलेला फिरत्या लेझर लाईटचा शो यामुळे आंगणेवाडीचा नजारा अवर्णणीय असाच वाटत होता.


प्रती पंढरपूर म्हणून ओळखल्या जाणाऱ्या आंगणेवाडीच्या भराडी मातेच्या यात्रेला शनिवारी जनसागर लोटला होता. मोठ्या प्रमाणात मुंबईकर चाकरमान्यांनी देवीच्या दर्शनासाठी पहाटे १ वाजल्यापासूनच रांगा लावल्या होत्या. आंगणेवाडी ग्रामस्थ मंडळ, आंगणे कुटुंबीय आणि जिल्हा प्रशासनाच्या चोख नियोजनामुळे एकूण नऊ रांगा तसेच मुखदर्शन व्यवस्थेमुळे भाविकाना कमीत कमी वेळेत देवीचे दर्शन झाले. सुरक्षिततेच्या दृष्टीने देवालयाच्या स्वागत कक्षाकडे येणारे दोन्ही मार्ग काही काल बंद केल्याने भाविकांना गैरसोयीचे झाले.



पोलिसांचा चोख बंदोबस्त


पहाटेच्या थंडीची तमा न बाळगता भाविकानी रांगेद्वारे दर्शन घेतले. भाविकांच्या दर्शन रांगा दुरवर पसरलेल्या दिसत होत्या, महनीय व्यक्तींच्या दर्शन रांगेत दिवसभर गर्दी दिसून आली. भाविकाना आवश्यक सूचना देण्यासाठी बाबू आंगणे, बाळा आंगणे आदी मेहनत घेत होते. एसटी महामंडळाने आपल्या हंगामी अशा मसुरे, मालवण, कणकवली या तिन्ही स्टँडवरून प्रवाशाना सुरळीत सेवा पुरवली. तसेच गावागावांतून खास यात्रा स्पेशल गाड्यांचे नियोजन केले होते. जिल्हा बँकेच्या वतीने फिरती एटीम सेवा, बचत गटांना स्टॉल उपलब्ध करून देण्यात आले होते. नियंत्रण कक्षाकडून ग्रामस्थांना वेळोवेळी सूचना देण्यात येत होत्या, कृषी प्रदर्शन स्थळी सुद्धा शेतकऱ्यांनी गर्दी केली होती. मालवण तालुका विधी सेवा समितीच्या वतीने कक्ष उभारून कायदेविषयक माहिती देण्यात आली.



सायंकाळनंतर भाविकांचा ओघ वाढला


यात्रे दरम्यान अनेक राजकीय, शैक्षणिक, औद्योगिक तसेच चित्रपट क्षेत्रातील मान्यवरांची भराडी देवीच्या दर्शनासाठी आंगणेवाडीत मांदियाळी फुलली होती. दुपारपर्यंत भाविकानी फुलून गेलेला आंगणेवाडीचा परिसर सूर्यास्तानंतर तर गर्दीने ओव्हर फ्लो झाला.

Comments
Add Comment

भारताच्या पहिल्या सिंधुदुर्गातील अंडरवॉटर म्युझियम प्रकल्पाचा गौरव, ‘आयएनएस गुलदार’ला पुरस्कार

मुंबई: सिंधुदुर्ग जिल्ह्यातील सागरी पर्यटनाला वेगळ्या उंचीवर नेणाऱ्या पर्यटन विभागाचा सन्मान करण्यात आला आहे.

Uran Water Shortage: उरणकरांनो पाणी जपून वापरा! ऐन सणासुदीच्या दिवसांमध्ये नागरिकांवर पाणी कपातीचे संकट

उरण: उरण शहरामध्ये ऑक्टोबर महिन्याच्या शेवटच्या टप्प्यापासून पाणी कपात केली जाणार आहे. त्यामुळे उरण शहरातील

कोकणवासीयांनो, सावंतवाडी- मुंबई CSMT ट्रेनच्या वेळेमध्ये बदल; कधीपासून लागू होणार नवा टाइम टेबल?

मुंबई: कोकणवासीयांसाठी महत्त्वाची बातमी आहे. सावंतवाडी रोडवरून मुंबई सीएसएमटीकडे दररोज धावणाऱ्य

कोकणात 125 एकरात उभारणार फिल्म सिटी, सांस्कृतिक कार्यमंत्री आशिष शेलार यांच्याकडून कामाला वेग

कोकण: रत्नागिरी जिल्ह्यातील गुहागर तालुक्यातील पालशेत गावात शासकीय भूखंडावर चित्रपट निर्मिती आणि पर्यटनाला

Nitesh Rane News: सिंधुदुर्गमधील नुकसानीसाठी स्वतंत्र निकषांचा विचार करा- पालकमंत्री नितेश राणे यांची कृषिमंत्र्यांकडे मागणी

मुंबई: "सिंधुदुर्ग जिल्हा दुष्काळाच्या ट्रिगर-१ मध्ये येत असून, जिल्ह्यातील पिकांच्या नुकसानीचे तातडीने

Ganpati Special Train: गावी जाणाऱ्या गणेशभक्तांना रेल्वेकडून मोठा दिलासा, मुंबई- कोकण मार्गावर धावणार १२ विशेष गाड्या

मुंबई: गणेशोत्सवासाठी मुंबईहून कोकणामध्ये जाणाऱ्या प्रवाशांच्या दृष्टीने महत्त्वाची बातमी आहे. मध्य