आंगणेवाडी जत्रोत्सवाची उत्साहात सांगता !

महाप्रसादाच्या कार्यक्रमाने मंदिर प्रांगण बहरले


आंगणेवाडी (प्रतिनिधी): कमल पदी तुज नमितो माते, जय जय भराडी देवी... जय जय भराडी देवी...! असा ध्वनीक्षेपकावर चालू असलेला देवीचा गजर, महाप्रसादाचा सोहळा पाहण्यासाठी देवालयाच्या प्रांगणात उसळलेली भक्तांची गर्दी असाच नजारा शनिवारी रात्री आंगणेवाडीत पाहावयास मिळाला. महाप्रसाद ताटे लावण्याच्या कार्यक्रमासाठी रात्री ९.४५ वाजता बंद झालेली दर्शन रांग पुन्हा रात्री १.३० नंतर चालू झाली. सकाळच्या सत्रापेक्षा सायंकाळी भाविकांनी अनुभवली ती उच्चांकी गर्दी.


रविवारी सुद्धा भाविकांच्या गर्दीने आंगणेवाडी यात्रा परिसर फुलुन गेला होता. प्रती पंढरपूर म्हणून ओळखल्या जाणाऱ्या व नवसाला पावणाऱ्या आंगणेवाडीच्या श्री भराडी देवीच्या यात्रोत्सवाची सांगता रविवारी सायंकाळी उत्साहात झाली. दोन दिवसांत आंगणेवाडीत सुमारे आठ लाख भाविकानी देवीचे दर्शन घेतले. मंदिर परिसरातील दर्शन रांगांमधील भाविकांचा ओघ रविवारी सायंकाळनंतर चालूच होता. रविवारी आंगणे ग्रामस्थानी देवीचे दर्शन घेऊन ओट्या भरल्या.


शनिवारी रात्री गर्दीचा ओघ वाढला सायंकाळ नंतर भाविकांची गर्दी उत्तरोत्तर वाढत गेली. रात्री बारा नंतर तर देवालयाच्या बाहेरील परिसरात रस्त्यावरुन चालणे अवघड बनले होते. यात्रेच्या दोन दिवसात लाखो रुपयांची उलाढाल झाली. मनोरंजनाच्या खेळण्यांच्या भागात बच्चे कंपनीची गर्दी झाली होती. यात्रोत्सवात सेवा दिलेल्या शासनाच्या सर्व विभागांचे अधिकारी, कर्मचारी यांचे यावेळी आंगणे कुटुंबिय आंगणेवाडी यांच्या वतीने विशेष आभार मानण्यात आले. मोड यात्रेत शेतीची अवजारे व गृहपयोगी साहीत्य खरेदी करण्यासाठी गर्दी झाली होती.



एकूण नऊ रांगाद्वारे दर्शन व्यवस्था आंगणे कुटुंबीयांच्या वतीने केल्याने तसेच योग्य नियोजनामुळे भाविकाना काही वेळातच देवीचे दर्शन मिळत होते. कुठलीही दर्शन रांग खोळंबलेली दिसून येत नव्हती. ठिकठिकाणी लावलेल्या ४८ सीसी टीव्ही कॅमेरा सहाय्याने स्वागत कक्षामधून बाबू आंगणे, बाळा आंगणे यांच्याकडून वेळोवेळी सुचना देण्यात येत होत्या. सदर व्यवस्था आंगणे कुटुंबीय व रोहन व्हीडिओ कॉम्प्युटेक मुंबईचे अनंत आंगणे यांच्या वतीने करण्यात आली होती.
Comments
Add Comment

भारताच्या पहिल्या सिंधुदुर्गातील अंडरवॉटर म्युझियम प्रकल्पाचा गौरव, ‘आयएनएस गुलदार’ला पुरस्कार

मुंबई: सिंधुदुर्ग जिल्ह्यातील सागरी पर्यटनाला वेगळ्या उंचीवर नेणाऱ्या पर्यटन विभागाचा सन्मान करण्यात आला आहे.

Uran Water Shortage: उरणकरांनो पाणी जपून वापरा! ऐन सणासुदीच्या दिवसांमध्ये नागरिकांवर पाणी कपातीचे संकट

उरण: उरण शहरामध्ये ऑक्टोबर महिन्याच्या शेवटच्या टप्प्यापासून पाणी कपात केली जाणार आहे. त्यामुळे उरण शहरातील

कोकणवासीयांनो, सावंतवाडी- मुंबई CSMT ट्रेनच्या वेळेमध्ये बदल; कधीपासून लागू होणार नवा टाइम टेबल?

मुंबई: कोकणवासीयांसाठी महत्त्वाची बातमी आहे. सावंतवाडी रोडवरून मुंबई सीएसएमटीकडे दररोज धावणाऱ्य

कोकणात 125 एकरात उभारणार फिल्म सिटी, सांस्कृतिक कार्यमंत्री आशिष शेलार यांच्याकडून कामाला वेग

कोकण: रत्नागिरी जिल्ह्यातील गुहागर तालुक्यातील पालशेत गावात शासकीय भूखंडावर चित्रपट निर्मिती आणि पर्यटनाला

Nitesh Rane News: सिंधुदुर्गमधील नुकसानीसाठी स्वतंत्र निकषांचा विचार करा- पालकमंत्री नितेश राणे यांची कृषिमंत्र्यांकडे मागणी

मुंबई: "सिंधुदुर्ग जिल्हा दुष्काळाच्या ट्रिगर-१ मध्ये येत असून, जिल्ह्यातील पिकांच्या नुकसानीचे तातडीने

Ganpati Special Train: गावी जाणाऱ्या गणेशभक्तांना रेल्वेकडून मोठा दिलासा, मुंबई- कोकण मार्गावर धावणार १२ विशेष गाड्या

मुंबई: गणेशोत्सवासाठी मुंबईहून कोकणामध्ये जाणाऱ्या प्रवाशांच्या दृष्टीने महत्त्वाची बातमी आहे. मध्य