नवी दिल्ली : भारताने कोळसा उत्पादनात दमदार कामगिरी करत, ऐतिहासिक टप्पा गाठला आहे. भारताने कोळसा उत्पादनात १०० कोटी टनांचा ऐतिहासिक टप्पा गाठला आहे. याबाबतची माहिती केंद्रीय कोळसा आणि खाणमंत्री जी. किशन रेड्डी यांनी शुक्रवारी त्यांच्या अधिकृत सोशल मीडिया एक्स अकाऊंटवरून दिली.
केंद्रीय मंत्री जी. किशन रेड्डी यांनी म्हटले आहे की, भारताने कोळसा उत्पादनाचा एक अब्ज टनांचा टप्पा ओलांडला आहे. अत्याधुनिक तंत्रज्ञान आणि कार्यक्षम पद्धतींसह, आम्ही केवळ उत्पादन वाढवले नाही, तर शाश्वत आणि जबाबदार खाणकाम सुनिश्चित केले आहे. ही कामगिरी आमच्या वाढत्या वीज मागणीला चालना देईल, आर्थिक विकासाला चालना देईल आणि प्रत्येक भारतीयाचे उज्ज्वल भविष्य सुनिश्चित करेल. पंतप्रधान नरेंद्र मोदी यांच्या दूरदर्शी नेतृत्वाखाली, भारत जागतिक ऊर्जा नेता बनण्याच्या मार्गावर आहे.