पोलीस पोहोचण्याआधीच हिंसा करणारे पळून गेले होते. पोलिसांनी हिंसेप्रकरणी ३६ पेक्षा जास्त नागरिकांना चौकशीसाठी ताब्यात घेतले आहे. चौकशी सुरू आहे. काही दिवसांपूर्वी कराची आणि लाहोरमध्येही केएफसीच्या आऊटलेटना लक्ष्य करुन हल्ले करण्यात आले होते.
पाकिस्तानच्या वेगवेगळ्या भागांमध्ये केएफसीच्या आऊटलेटना लक्ष्य करुन हल्ले केल्याप्रकरणी पोलिसांनी तेहरीक-ए-लब्बैक पाकिस्तानच्या (टीएलपी) १७ सदस्यांना अटक केली आहे. आणखी काही जणांना लवकरच अटक होण्याची शक्यता आहे.
धार्मिक निषेधाच्या नावाखाली परदेशी कंपन्यांच्या दुकानांना तसेच हॉटेलांना लक्ष्य करुन हल्ले करणे, तोडफेड करणे, लुटालूट करणे असे प्रकार पाकिस्तानमध्ये मोठ्या प्रमाणात सुरू आहेत. बांगलादेशमध्ये ही बोगरा, सिल्हेट, कॉक्स बाजार आणि इतर जिल्ह्यांमध्ये जमावाने निषेधाच्या नावाखाली परदेशी कंपन्यांच्या दुकानांना तसेच हॉटेलांना लक्ष्य करुन हल्ले करणे, तोडफेड करणे, लुटालूट करणे असे प्रकार केले आहेत.