लग्नानंतर दोन वर्षांनी दत्तू मोरेच्या घरी नव्या पाहुण्याचं आगमन
मुंबई: 'महाराष्ट्राची हास्यजत्रा' मधून सर्वांना खळखळून हसवणाऱ्या दत्तू मोरेच्या घरी नव्या पाहुण्याचं आगमन झालं आहे. तो एका गोंडस मुलाचा बाबा झाला आहे. स्वतः दत्तू मोरेनं इन्स्टाग्रामवर बाळासोबतचे फोटो शेअर करत चाहत्यांना गूड न्यूज दिली.
अभिनेता दत्तू मोरेला मुलगा झाला असून त्यानं इन्स्टाग्रामवर पोस्ट करत याबाबत माहिती दिली आहे. दत्तूने इन्स्टाग्रामवर परफेक्ट 'फॅमिली फोटो' शेअर करुन बाळाची हलकी झलकही दाखवली आहे. त्याच्या या फोटोंखाली चाहत्यांकडून शुभेच्छांचा वर्षाव होत आहे.
सोशल मिडियावर शेअर केले फोटो
दत्तूनं आपल्या इन्स्टाग्रामवर सुरुवातीला दत्तू आणि त्याच्या बायकोचे प्रेग्नेंसी शूट दरम्यानचे फोटो शेअर केले आहेत. तसेच, या फोटोंसोबत दत्तूनं आपल्या गोंडस बाळाचे दोन सुंदर फोटोदेखील पोस्ट केले आहेत.
परफेक्ट फॅमिली फोटो
दत्तू मोरेनं आपल्या चिमुकल्यासोबतचा गोंडस फोटो शेअर करुन त्याखाली सुंदर कॅप्शनही दिलं आहे. त्यानं लिहिलंय की, "फायनली… तो आला! We now officially have a tiny human to blame. माझ्या आयुष्यातील सर्वात मोठा क्षण… मी सदैव कृतज्ञ आहे." दत्तू मोरेच्या या पोस्टवर त्याच्या सहकलाकारांनी लाईक्स आणि कमेंट्सचा वर्षाव केला आहे.
2023 मध्ये बांधली लग्नगाठ
दत्तू मोरेनं 2023 मध्ये लग्नगाठ बांधली. दत्तूची पत्नी स्वाती घुनागे पेशानं डॉक्टर असून ती स्त्रीरोगतज्ज्ञ आहे. स्वाती दत्तूच महाराष्ट्राची हास्य जत्रा मधलं स्कीट पाहायची, त्याबद्दल तिनं त्याला फेसबुकवर मेसेजसुद्धा केलेले. पुढे या दोघांमध्ये मैत्री झाली, आणि मैत्रीचं रुपांतर प्रेमात झालं. आणि त्यानंतर दोघंही एकमेकांच्या प्रेमात पडले.