धरमशाला: इंडियन प्रीमियर लीग २०२५च्या ५८व्या सामन्यात पंजाब किंग्सचा सामना दिल्ली कॅपिटल्सविरुद्ध धरमशालाच्या हिमाचल प्रदेश क्रिकेट असोसिएशन स्टेडियममध्ये आहे. या सामन्यात पंजाब किंग्सने टॉस जिंकत पहिल्यांदा फलंदाजीचा निर्णय घेतला होता. भारत-पाकिस्तान तणावादरम्यान हा सामना मध्येच थांबवण्यात आला आहे. स्टेडियमच्या फ्लडलाईट्स बंद करण्यात आल्या आहेत. जेव्हा सामना थांबवण्यात आला तेव्हा पंजाब किंग्सची धावसंख्या १०.१ षटकांत १ बाद १२२ इतकी होती.
पंजाब किंग्सने सध्याच्या आयपीएल हंगामात आतापर्यंत ११ सामने खेळून ७ सामन्यांत विजय मिळवला आहे. त्यांच १५ गुण आहे. दुसरीकडे दिल्ली कॅपिटल्सनेही तितकेच सामने खेळले आहेत त्यांचे ६ विजयासह १३ गुण आहेत.