अलिबाग : येथील शासकीय वैद्यकीय महाविद्यालय सक्षम करण्यासाठी जिल्हा नियोजनतर्फे तीन कोटींचा निधी वितरित झाला. यामधून विविध मशीन खरेदी करण्यात आल्या आहेत. त्यामुळे रुग्णांच्या आजाराचे योग्य निदान आणि उपचार जलद होणार असून, विद्यार्थ्यांना शिकण्यासाठी उपयुक्त होणार आहे.
अलिबागच्या जिल्हा सामान्य रुग्णालयात शासकीय वैद्यकीय महाविद्यालय २०२१ मध्ये सुरू झाले. रुग्णांना योग्य उपचाासाठी महाविद्यालयाचे प्रयत्न सुरू होते. २०२४-२५ या वर्षासाठी महाविद्यालयाला मशीन, उपकरणे खरेदीसाठी तीन कोटी निधी जिल्हा नियोजन समितीने मंजूर करून वर्ग केला होता. हा मोठा निधी आता मिळाला आहे. जिल्हा नियोजनाच्या निधीमधून ईएनटी ऑपरेटिंग मायक्रोस्कोप, श्वासनलिकेचे ब्रोपोस्कॉप यंत्र, पिजी पेंटाहेड मायक्रोस्कोप, हाडांची घनता मोजण्यासाठी उपकरणे, भूल देण्याचे काम करण्याचे ठिकाण ही उपकरणे खरेदी केली आहेत. या उपकरणामुळे आजाराचे योग्य निदान व उपचार केले जाणार आहेत.वैद्यकीय महाविद्यालय सुरू झाल्यापासून जिल्हा रुग्णालयात रुग्णावर योग्य उपचार होत आहेत.
डॉक्टर उपलब्ध असल्याने जिल्हा रुग्णालयातच उपचार मिळणे शक्य झाले आहे. नवीन उपकरणांमुळे कण्यासाठी आणि रुग्णाच्या आजारावर निदान करणे सोयीचे असल्याचे शासकीय वैद्यकीय महाविद्यालयाचे अधिष्ठाता डॉ. पूर्वा पाटील यांनी सांगितले.