Diveagar Accident : दिवेआगर दुर्घटनेची सखोल चौकशी होणार; दोषींवर कडक कारवाईचे निर्देश

मुंबई : रायगड जिल्ह्यातील दिवेआगर येथे समुद्रात बुडून 8 विद्यार्थ्यांचा मृत्यू झाल्याची घटना अत्यंत दुःखद आहे. या दुर्घटनेनंतर प्रशासनाने मृत विद्यार्थ्यांच्या कुटुंबीयांशी संवेदनशीलपणे संपर्क ठेवावा आणि आवश्यक मदत करावी, असे निर्देश आपत्ती व्यवस्थापन मंत्री गिरीश महाजन यांनी दिले आहेत. या घटनेची सखोल चौकशी करून दोषी आढळणाऱ्यांवर कारवाई करण्यात येईल, असेही त्यांनी स्पष्ट केले.

मुंबई : रायगड जिल्ह्यातील दिवेआगर येथे समुद्रात बुडून 8 विद्यार्थ्यांचा मृत्यू झाल्याची घटना अत्यंत दुःखद आहे. या दुर्घटनेनंतर प्रशासनाने मृत विद्यार्थ्यांच्या कुटुंबीयांशी संवेदनशीलपणे संपर्क ठेवावा आणि आवश्यक मदत करावी, असे निर्देश आपत्ती व्यवस्थापन मंत्री गिरीश महाजन यांनी दिले आहेत. या घटनेची सखोल चौकशी करून दोषी आढळणाऱ्यांवर कारवाई करण्यात येईल, असेही त्यांनी स्पष्ट केले.


आळंदी येथील अकरावी आणि बारावीच्या विद्यार्थ्यांना शिकवणाऱ्या एका खासगी अकॅडमीचे विद्यार्थी सहलीसाठी दिवेआगर येथे गेले होते. समुद्राच्या पाण्याचा अंदाज न आल्याने काही विद्यार्थी खोल पाण्यात गेले. यामध्ये 8 विद्यार्थ्यांचा बुडून मृत्यू झाला. मृत विद्यार्थ्यांचे वय 16 ते 17 वर्षे होते. (Diveagar Accident)






या सहलीत एकूण 48 विद्यार्थी होते आणि त्यांच्या सोबत केवळ 2 शिक्षक होते. विद्यार्थ्यांना पोहता येते की नाही, याची माहिती घेणे आणि त्यांना धोकादायक ठिकाणी जाण्यापासून रोखणे ही आयोजकांची जबाबदारी असल्याचे मंत्री महाजन यांनी सांगितले.


समुद्रकिनारे, धरणे किंवा तलाव अशा ठिकाणी विद्यार्थ्यांच्या सहली आयोजित करताना त्यांच्या सुरक्षेला प्राधान्य देणे आवश्यक आहे. या प्रकरणात अकॅडमीच्या पदाधिकाऱ्यांची जबाबदारी निश्चित करून चौकशी करण्यात यावी, असे निर्देश देण्यात आले आहेत.


घटनेनंतर जिल्हाधिकारी आणि जिल्हा पोलीस अधीक्षकांशी संपर्क साधून तपासाबाबत सूचना देण्यात आल्या आहेत. चौकशीत दोषी आढळणाऱ्यांवर कठोर कारवाई केली जाणार आहे.


सहलींसाठी प्रस्तावित मार्गदर्शक सूचना

- खासगी क्लासेस, शाळा आणि महाविद्यालयांनी विद्यार्थ्यांना सहलीसाठी बाहेर नेताना त्यांच्या सुरक्षिततेची जबाबदारी स्वीकारणे बंधनकारक करण्यावर भर.
- समुद्रकिनारे, धरणे आणि तलाव येथे सहली आयोजित करताना विद्यार्थ्यांच्या सुरक्षिततेची संपूर्ण जबाबदारी आयोजक संस्थेची असेल.
- विद्यार्थ्यांना पोहता येते का, याची माहिती घेणे आणि त्यांना खोल पाण्यात जाण्यापासून रोखणे आवश्यक.
- सहलीतील विद्यार्थ्यांच्या संख्येच्या तुलनेत पुरेशी देखरेख उपलब्ध असणे महत्त्वाचे. दिवेआगरच्या दुर्घटनेत ४८ विद्यार्थ्यांसोबत केवळ दोन शिक्षक होते.
- दुर्घटना घडल्यास संबंधित संस्थेची आणि पदाधिकाऱ्यांची जबाबदारी निश्चित करून चौकशीत दोषी आढळणाऱ्यांवर कारवाई.

Comments
Add Comment

Tiger Shroff comeback : गोळीबाराच्या धक्क्यातून सावरत टायगर श्रॉफचे सोशल मीडियावर दणक्यात पुनरागमन; चाहत्यांना दिले जबरदस्त सरप्राईज!

गेल्या महिनाभरापासून बॉलिवूड अभिनेता टायगर श्रॉफ (Tiger Shroff) हा त्याच्यावर झालेल्या गोळीबाराच्या दुर्दैवी घटनेमुळे

न्यूझीलंडमध्ये रोहित शर्माचा फ्लॉप शो; यशस्वी जयस्वालला संधी मिळणार का? इरफान पठाणने दिलं असं उत्तर

भारताने न्यूझीलंडला टी20 मालिकेनंतर वनडेतही मात दिली. भारताने न्यूझीलंडला वनडे मालिकेत 3-1 ने पराभवाची धूळ चारली.

Ajit Pawar Tribute: अजितदादांचे विकासाचे स्वप्न पूर्ण करणे हीच खरी श्रद्धांजली! एकनाथ शिंदे भावूक

पुणे:  पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती

भाजपकडून राघव चड्ढांना मोठी जबाबदारी; पंजाब निवडणुकीच्या जाहीरनामा समितीत नियुक्ती

राज्यसभा खासदार राघव चड्ढा यांच्यावर भारतीय जनता पक्षाने महत्त्वाची जबाबदारी सोपवली आहे. २०२७ च्या विधानसभा

26/11 हल्ल्यानंतर स्थापन झालेल्या ‘फोर्स वन’चे नियंत्रण आता 'एटीएस'कडे

मुंबई : दहशतवादी हल्ल्याला प्रत्युत्तर देताना तपास यंत्रणा आणि प्रत्यक्ष कारवाई करणाऱ्या कमांडो पथकात

Teen Tigada Web Series: प्रेम, क्रिकेट आणि संगीताचा अनोखा संगम! ‘तीन तिगाडा’ वेबसीरिजचा ट्रेलर रिलीज

Teen Tigada Web Series: प्रेम, महत्त्वाकांक्षा आणि आयुष्यातील अनपेक्षित घडामोडींचा संगम असलेली ‘तीन तिगाडा’ ही सिरीज आपल्या