मुंबई: पंजाब किंग्सला ८ विकेटनी हरवत रॉयल चॅलेंजर्स बंगळुरू संघाने इंडियन प्रीमियर लीग २०२५च्या फायनलमध्ये स्थान मिळवले आहे. २९ मेला गुरूवारी मुल्लांपूरच्या महाराजा यादविंद्र आंतरराष्ट्रीय स्टेडियममध्ये आयोजित या सामन्यात आरसीबीला विजयासाठी १०२ धावांचे आव्हान मिळाले होते. त्यांनी हे आव्हान १० षटकांतच पूर्ण केले.
आरसीबीचा संघ चौथ्यांदा फायनलमध्ये पोहोचला आहे. याआधी त्यांनी २००९, २०११ आणि २०१६च्या हंगामातही फायनलमध्ये स्थान मिळवले होते. दरम्यान, तीन वेळा त्यांना पराभवाचा सामना करावा लागला होता.
सामन्यात पराभव स्वीकारल्यानंतर पंजाबच्या नावावर लाजिरवाणे रेकॉर्ड्स
आता ३ जूनला मंगळवारी रॉयल चॅलेंजर्सचा सामना बंगळुरूच्या क्वालिफायर २मधील विजेत्याशी होणार आहे. १ जूनला रविवारी होणाऱ्या क्वालिफायर २मध्ये पंजाब किंग्सची टक्कर एलिमिनेटर सामन्यातील विजेत्याशी होणार आहे.
एलिमिनेटर सामन्यात ३० मेला शुक्रवारी मुंबई इंडियन्स आणि गुजरात टायटन्स आमनेसामने आहेत. हा सामना मुल्लांपूरमध्ये असणार आहे. क्वालिफायर १मध्ये पंजाब किंग्सच्या फलंदाजांना खेळपट्टीची कल्पना आली नाही आणि त्यांचे सातत्याने विकेट पडत गेले. पंजाब किंग्सच्या खराब फलंदाजीवरून याचा अंदाज लावता येऊ शकतो.
आयपीएलच्या एखाद्या प्लेऑफ सामन्यात असे पहिल्यांदा झाले जेव्हा एखादा संघ १५ पेक्षा कमी षटकांत ऑलआऊट झाला. आयपीएल प्लेऑफमध्ये सगळ्यात कमी षटके खेळण्याचा रेकॉर्ड दिल्ली कॅपिटल्सच्या नावावर होता. दिल्ली कॅपिटल्स आयपीएलच्या सुरूवातीच्या हंगामात राजस्थान रॉयल्सविरुद्ध पहिल्या सेमीफायलमध्ये आव्हानाचा पाठलाग करताना १६.१ षटकेही खेळू शकला होता.
पंजाब किंग्सचा आयपीएलच्या इतिहासातील हा तिसरा सर्वात कमी ऑलआऊट टोटल होता. पंजाब किंग्सचा सर्वात कमी स्कोर ७३ इतका आहे. त्यांनी २०१७मध्ये रायजिंग पुणे सुपरजायंट्सविरुद्ध हा स्कोर केला होता.