टीम इंडियाचा आणि कोलकाता नाईट रायडर्सचा स्टार फलंदाज रिंकू सिंग लवकरच अडकणार विवाह बंधनात
मुंबई: भारतीय क्रिकेट संघाचा युवा खेळाडू आणि सध्या आयपीएल २०२५ (IPL 2025) च्या हंगामाचा स्टार क्रिकेटपटू रिंकू सिंग (Rinku Singh) लवकरच लग्न करणार असल्याची चर्चा आहे. रिंकू सपा खासदार प्रिया सरोज (MP Priya Saroj) यांच्यासोबत विवाहबंधनात अडकणार असल्याची माहिती समोर येत आहे.
सपा खासदार प्रिया सरोज आणि रिंकू सिंग यांच्या प्रेमाच्या चर्चा गेल्या अनेक दिवसांपासून रंगल्या आहेत. या दोघांचा साखरपुडा अन् लग्नसोहळ्याची तारीखदेखील निश्चित झाली आहे.
८ जूनला साखरपुडा तर १८ नोव्हेंबरला लग्न
8 जून रोजी रिंकू सिंग आणि प्रिया सरोज यांचा साखरपुडा संपन्न होणार आहे. हा कार्यक्रम लखनऊमधील एका सेवन स्टार हॉटेलमध्ये होणार आहे. तर रिंकू आणि प्रिया सरोज 18 नोव्हेंबर रोजी वाराणसीतील ताज हॉटेलमध्ये लग्नगाठ बांधणार असल्याचे समजते.
कोण आहेत प्रिया सरोज?
रिंकू सिंग भावी पत्नी प्रिया सरोज या उत्तर प्रदेशातील जौनपूर जिल्ह्यातील मछलीशहर मतदारसंघातून खासदार आहेत. 2024 च्या भारतीय सार्वत्रिक निवडणुकीत त्यांनी समाजवादी पक्षाच्या बीपी सरोज यांचा 35850 मतांनी पराभव करून मोठा विजय मिळवला. प्रिया सरोजच्या वडिलांचे नाव तूफानी सरोज असून ते मछलीशहर मतदारसंघातून खासदार राहिले आहेत. सध्या ते केरकत विधानसभा मतदारसंघाचे आमदार आहेत.