प्रतिनिधी: आज वेदांता लिमिटेड संचालक मंडळाच्या बैठकीत ७ रूपये प्रति समभाग (Share) एवढा अंतरिम लाभांश (Interim Dividend)निश्चित केला आहे. कंपनीच्या आर्थिक स्थितीची पडताळणी केल्यानंतर ७ रूपयांचा लाभांश (Dividend) निश्चित सुचवला. मागील आर्थिक वर्षात कंपनीने १७००० कोटींचा लाभांश (प्रति समभाग ४५ रूपये)आपल्या भागभांडवल धारकांना दिला होता. यावर्षी ७ रूपये लाभांश देण्यापूर्वी कंपनीने आपल्या हिंदुस्थान झिंक या कंपनीती ल ३०१८ कोटी मूल्यांकनाचे शेअर्स विकले आहेत. मागच्या वर्षी १.५१ समभाग ऑफर फॉर सेल (OFS) माध्यमातून विकले होते.
कंपनीने लाभांश देण्यासाठी नोंदणी तारीख (Record Date) २४ जून निश्चित केली आहे. समभाग ट्रेडिंग माध्यमातून अनिल अग्रवाल संचलित वेदांता कंपनीच्या संसाधनात होल्डिंगमध्ये ६५ टक्क्यांवरून आता ५६.३८ टक्क्यांवर घट झाली. यावर्षी कंपनीने ७ रूपये प्रति समभाग लाभांश दिल्यास कंपनीच्या पुजींतून जवळपास २७३७ कोटी निधीचे वाटप होणार आहे. मार्च तिमाहीच्या अखेरीस वेदांताचे जवळपास २० लाख किरकोळ भागधारक आहेत, किंवा ज्यांचे अधिकृत भागभांडवल २ लाखांपर्यंत आहे,ज्यांच्याकडे कंपनीचा ११.२५% हिस्सा आहे. तसेच यापूर्वी मागील आठवड्यात वेदांता समुहाची कंपनी हिंदुस्थान झिंक कंपनीने आपल्या भागभांडवल धारकांना १० रूपये प्रति समभागाची घोषणा केली होती.
काल माध्यमांच्या वृत्तानुसार, हिंदुस्तान झिंकचे प्रवर्तक (Promoter) वेदांत कंपनीतील आपला हिस्सा कमी करण्याचा विचार करत होते. सुरुवातीला करार ७,५०० कोटीचा होता.आज सकाळी, ब्लॉक डीलद्वारे ३,३२३ कोटी किमतीचे ७.२ कोटी शेअर्स ४६०.५ प्रति शेअर या दराने हस्तांतरित झाले आहेत. दुपारपर्यंत वेदांता लिमिटेड कंपनीच्या समभागात ०.९०% घसरण झाली होती तर हिंदुस्थान झिंक कंपनीच्या ६.९२% घसरण झाली आहे.