मुंबई हादरली ! महिला पायलटसोबत चालत्या कॅबमध्ये विनयभंग, पोलिसांना पाहताच आरोपी पळाले.

मुंबई : देशाची आर्थिक राजधानी असलेल्या मुंबईत धक्कादायक घटना घडली. फोर्ट-घाटकोपर प्रवासादरम्यान एका २८ वर्षीय पायलट महिलेचा (female pilot) विनयभंग झाल्याचा धक्कादायक प्रकार घाटकोपर परिसरात उघडकीस आला. महिलेने कॅब बुक केल्यानंतर चालकाने रस्ता बदलून गाडीत दोन अज्ञात व्यक्तींना बसवलं आणि त्या दोघांनी महिलेवर जबरदस्ती करण्याचा प्रयत्न केला. पोलिसांची नाकाबंदी पाहून आरोपी पळून गेले. याप्रकरणी आरोपी कारचालकासह त्याच्या दोन सहकार्‍यांविरुद्ध घाटकोपर पोलिसांनी विनयभंगासह धमकी दिल्याप्रकरणी गुन्हा नोंदविण्यात आला आहे. पळून गेलेल्या या तिघांचा पोलिसांकडून शोध सुरू आहे. पीडित महिलेचा पती नौदलात कार्यरत आहे सदरची महिला पतीला भेटण्यासाठी सीएसएमटी परिसरात आली होती. भेट झाल्यानंतर त्यांनी एकत्र जेवण केलं, आणि त्यानंतर महिलेने घरी जाण्यासाठी कॅब बुक केली.  काही अंतर पार केल्यानंतर कॅब चालकाने रस्ता बदलला. चालकाने गाडी थांबवल्यावर दोन अज्ञात व्यक्ती कॅबमध्ये बसले.  त्यानंतर महिलेसोबत जबरदस्ती करण्याचा प्रयत्न केला.  काही अंतरावरच पोलिसांची नाकाबंदी सुरु होती. पोलिसांना पाहताच  आरोपी पळून गेले. घाबरलेल्या महिला पायलटने आपल्या पतीला झालेली घटना सांगितली. आणि त्यानंतर पीडित महिला आणि तीचा पती घाटकोपर पोलिस ठाण्यात जाऊन गुन्हा नोंद केला.  घाटकोपर पोलिस ठाण्यातील पोलिस अधिकारी आरोपींचा शोध घेत आहेत.