प्रतिनिधी: भारतातील मजबूत फंडामेंटलचा आधारे घरगुती गुंतवणूकदारांनी मोठ्या प्रमाणात आयपीओत गुंतवणूक सुरु केली आहे. याबाबतचे विविध रिपोर्ट वेळोवेळी प्रसिद्ध करण्यात आले आहेत. याच धर्तीवर मिशो (Meesho) कंपनीने डीएचआरपी (Drafts Red Hearing Prospectus DHRP) फाईलिंग सेबी या नियामक मंडळाकडे केले आहे. ४२५० कोटींचा आयपीओ असणार आहे. इ कॉमर्स संकेतस्थळ असलेल्या मिशोने आयपीओतून एकूण ८५०० कोटींची उभार णी करण्याचे ठरवले आहे. मात्र कंपनीने यासंदर्भात अधिक माहिती आणि गुपिते रेग्युलेटरी फायलिंगमधून वगळण्याचा निर्णय घेतला आहे. प्रामुख्याने इ कॉमर्स संकेतस्थळांची वाढती स्पर्धा पाहता हा निर्णय कंपनीने घेतलेला आहे.
मिशोचा संचालक मंडळाने व समभागधारकांनी याला अधिकृत मान्यता दिल्यामुळे कंपनीने हा निर्णय घेतला आहे. स्वतः कंपनीने दिलेल्या माहितीनुसार,कंपनीला आर्थिक वर्ष २०२४-२५ मध्ये ५३ कोटींचे नुकसान झाले होते. याशिवाय कंपनी च्या ऑपरेटिंग नफ्यात मात्र ३३% वाढ झाली होती. त्यामुळे कंपनीचा हा ऑपरेटिंग नफा ७६१५ कोटीवर पोहोचला होता. त्या मागील वर्षाच्या तुलनेत कंपनीने आपल्या एकूण नुकसानात ९७% घट केली होती. याच धर्तीवर कंपनीने आपल्या रणनीती आखत आयपीओचा मार्ग निवडून बाजारातून निधी उभारण्याचे ठरवले आहे.
मागे झालेल्या बाह्य निधी उभारणीत (External Funding Round) यामध्ये ५५० दशलक्ष डॉलर्स उभारले होते. या निमित्ताने प्रथमच इ कॉमर्स कंपनी बाजारात सूचीबद्ध (Listed) होणार आहे. कंपनीच्या माहितीनुसार, आयपीओसाठी (IPO) कंपनीने जेपी मॉर्गन, मॉर्गन स्टॅनली, सिटी, कोटक महिंद्रा कॅपिटल यांची नियुक्ती केली आहे. या आयपीओत फ्रेश इश्यू, तसेच ऑफर फॉर (OFS) माध्यमातून गुंतवणूक करणार आहेत. २०२४-२५ या आर्थिक वर्षासाठी ६.२ अब्ज डॉलर्सच्या एकूण व्यापारी मूल्याच्या रन रेटपर्यंत पोहोचलेल्या मीशोने भारतातील तिसरा सर्वात मोठा ई-कॉमर्स प्लॅटफॉर्म म्हणून उदयास येत असताना हे पाऊल उचलण्यात आले आहे. कंपनीने आर्थिक वर्ष २४ मध्ये महसुलात ३३ टक्के वाढ होऊन ७,६१५ कोटी रुपयांचा महसूल नोंदवला आहे, तर गेल्या वर्षीच्या १,५६९ कोटी रुपयांवरून ₹५३ कोटी रुपयांपर्यंत निव्वळ तोटा कमी केला.