मुंबई : मुंबई-पुणे एक्स्प्रेसवेवर प्रवास करणाऱ्यांसाठी महत्त्वाची सूचना देण्यात आली आहे. आज दुपारी २ ते ३ या कालावधीत, भातनजवळील एक किलोमीटरच्या परिसरात वाहतूक पूर्णपणे थांबवण्यात येणार आहे.
ही वाहतूक बंदी महाराष्ट्र राज्य विद्युत वितरण कंपनी (MSEDCL) मार्फत करण्यात येणाऱ्या २२ केव्ही वीजवाहिन्यांच्या देखभाल आणि फिडर बसवण्याच्या कामासाठी लागू केली आहे.
वाहतूक बंद असलेला भाग:
मुंबई-पुणे एक्स्प्रेस वेवरील कि.मी. ९.६०० ते ९.७०० दरम्यान दोन्ही दिशांनी (मुंबईहून पुण्याकडे व पुण्याहून मुंबईकडे) सर्व प्रकारच्या वाहनांची (हलकी व अवजड) वाहतूक पूर्णपणे थांबवण्यात येणार आहे.
पर्यायी मार्ग पुढीलप्रमाणे:
मुंबईहून पुण्याकडे जाणाऱ्या वाहनांसाठी – कळंबोली सर्कल (पळस्पे) किंवा शेडुंग एक्झिटवरून राष्ट्रीय महामार्ग ४८ (NH-४८) वर वळवले जाईल.
NH-४८ वरून पुढे खालापूर टोल नाका किंवा मॅजिक पॉईंट येथे पुन्हा एक्स्प्रेस वेवर प्रवेश करता येईल.
पुण्याहून मुंबईकडे जाणाऱ्या वाहनांसाठी – खोपोली एक्झिट किंवा खालापूर टोल नाक्याजवळून पाली ब्रीज मार्गे NH-४८ वर वळवले जाईल.
पोलीस यंत्रणा सज्ज असून, काम पूर्ण होताच वाहतूक पूर्ववत सुरू करण्यात येणार असल्याचे प्रशासनाकडून स्पष्ट करण्यात आले आहे.
पुण्यातील सहा प्रमुख रस्त्यांवर पे अँड पार्क योजनेची अंमलबजावणी
वरील पर्यायी मार्गांचा वापर करून राष्ट्रीय महामार्ग क्र. ४८ वरून प्रवास करणारी वाहने खालापूर टोल नाका आणि मॅजिक पॉइंट येथून पुन्हा द्रुतगती महामार्गावर प्रवेश करू शकतात. हे काम पूर्ण होईपर्यंत ही वाहतूक अधिसूचना अंमलात राहील. अशी माहिती अप्पर पोलिस महासंचालक वाहतूक विभाग यांच्या वतीने देण्यात आली आहे. दरम्यान दुपारी ३ नंतर काम पूर्ण झाल्यानंतर वाहतूक पुन्हा पूर्ववत केली जाईल.