ठाणे: ठाण्यामध्ये माणुसकीला काळिमा फासणारी घटना घडली आहे. मुंब्रा परिसरामध्ये दोन दिवसापूर्वी अवघ्या 20 दिवसांच्या बाळांची पैशांसाठी विक्री करण्याची घटना घडली आहे. ठाणे शहरातील माणुसकीला काळिमा फासणाऱ्या ह्या घटनेची सर्वच स्तरामध्ये चर्चा होताना पाहायला मिळत आहे. एका टोळीने बाळाच्या जन्मदात्या आई- वडिलांना लक्ष करत तिच्याकडून बाळ ताब्यात घेऊन त्यानंतर त्याची विक्री केल्याची घटना घडली आहे. या घटनेमुळे शहरामध्ये खळबळ उडाली आहे. ठाणे पोलिसांनी आरोपींना अटक केली असून 20 दिवसांच्या बाळाला त्याच्या आई- वडिलांकडे सुपूर्त केलेले आहे.
ठाणे: ठाण्यातील मध्यवर्ती आणि गजबजलेल्या तलावपाळी (मासुंदा तलाव) परिसरात शुक्रवारी रात्री एक थरारक घटना समोर आली. बोटिंग सेंटर आणि प्रिसिजन फिशरीज ...
ठाणे पोलीस उपआयुक्त बाळासाहेब पाटील (Zone 1) यांनी माध्यमांसोबत संवाद साधताना घडलेला संपूर्ण प्रकार सांगितला. पोलीस उपायुक्तांनी दिलेल्या माहितीनुसार, "मुंब्रामध्ये 20 दिवसांच्या बाळाची विक्री करणाऱ्या एका टोळीला ठाणे पोलिसांनी जेरबंद केलं असून त्या बाळाची सुखरूप सुटका केली आहे. नवजात बाळाची विक्री करणाऱ्या नेटवर्कमध्ये, एका होमगार्ड जवानासह इतरत्र 10 जणांना अटक केली आहे. मुंब्रा पोलीसांनी घटनेची मिळताच बाळाची चौकशी करण्यास सुरूवात केली. 24 तासाच्या आतच पोलिसांनी 20 दिवसांच्या बाळाची सुखरूप सुटका केली. शुक्रवारी मुंब्रा पोलिसांनी आरोपींना जेरबंद केले आहे. "
#WATCH | Thane, Maharashtra | Thane Zone 1 DCP Balasaheb Patil says, "Two days ago, a 20-day-old infant was forcibly taken from Mumbra and sold for 2.5 lakh. Upon receiving this information, the Mumbra Police Station formed several investigation teams, each placed under the charge of a specific officer. We conducted searches in various locations... So far, we have taken 10 suspects into custody. The infant was located in Ratnagiri and has been safely recovered; the child is now in our care. All involved parties were presented before the Child Welfare Committee (CWC)... We are currently verifying these details as part of our ongoing investigation and will take further action accordingly. 7 of the suspects have already been produced before the court, which has granted police custody (PC) until 10 November. The remaining suspects will be presented before the court today, and we will seek police custody for them as well. We suspect that the arrested individuals are operating as part of an organised network or team, and they may have been involved in other similar incidents..."
— ANI (@ANI) November 7, 2026
मुंब्रा रेल्वे स्टेशनजवळ भीक मागून पोटाची खळगी भरणारी 19 वर्षीय तक्रारदार अनिसा रफीक शेख यांना, रेहान रिझवान शेख (22) नावाच्या आरोपीने त्यांचा लहान मुलगा अडीच लाख रुपयांना विकण्यास भाग पाडले. रेहानने सुरुवातीला अनिसाला 1.20 लाख रुपये दिले होते. पण, नंतर त्याने आणि त्याच्या साथीदाराने अनिसा आणि तिच्या बहिणीला मारहाण करून जबरदस्तीने ते सर्व पैसे परत घेतल्याची माहिती तक्रारदार महिलेने मुंब्रा पोलिसांना दिली. घटनेबद्दल संपूर्ण माहिती कळताच मुंब्रा पोलिसांनी लहान मुलांची विक्री करणाऱ्या टोळीचा शोध घेण्यासाठी आणि चिमुकल्याची सुटका करण्यासाठी एक पोलीस पथक तयार करण्यात आले.
ठाणे : ठाण्यातील गजबजलेल्या उथळसर परिसरात एक मोठी दुर्घटना टळली आहे. येथील डॉ. आंबेडकर रोडवर, प्रतीक्षा टॉवरजवळ आणि स्काय पिलर सोसायटीच्या समोर ...
मुंब्रा पोलिसांनी 5 नोव्हेंबर रोजी घटनेची तक्रार नोंदवून घेतली. 24 तासांच्या आतच पोलिसांनी ठाण्यातून ज्योती नरेश पाटील (35), रेहान रिजवान शेख (22), फरहान उर्फ फेराऊ रेहान शेख (21), फरीदा अकबर सय्यद (52), हुर्ना अलियास हुस्ना अल्ताफ शेख (27), अनिता गोपीनाथ धोत्रे (42) आणि सुनितार खान (42) या सात संशयितांना अटक केली आहे. या सर्व आरोपींकडून मिळालेल्या माहितीच्या आधारे ठाणे पोलिसांचं पथक पुढील तपासासाठी जालना जिल्ह्यात पोहोचले, जिथे त्यांनी मुंबईतील घाटकोपरमध्ये तैनात असलेल्या आणि मुलाच्या विक्रीत मदत करणाऱ्या गोपीनाथ किशन धोत्रे (46) या होमगार्डला ताब्यात घेतले.
त्याच दरम्यान, ठाणे पोलिसांच्या पथकाने रत्नागिरीमध्ये जाऊन 20 दिवसांच्या बाळाचा शोध घेत बाळाला सुखरूप ताब्यात घेत, बाळाला ठाण्याला परत आणले. यावेळी पोलिसांनी उर्वरित दोन आरोपींनाही ताब्यात घेतलं. प्रतिमा प्रकाश परब (46, डोंबिवली- पश्चिम) आणि शिल्पा प्रदीप साठे (34, दिवा) यांना 6 नोव्हेंबर रोजी अटक करण्यात आली. पोलिसांनी ताब्यात घेतलेले सर्व एजंट्स असून यांनी बाळाला कोणाला विकले, याचा तपास पोलीस सध्या करत असल्याची माहिती पोलीस उपायुक्तांनी दिली. मुंब्रा पोलिसांनी अटक केलेल्या ह्या टोळीवर आणखीन कोणत्या प्रकरणामध्ये गुन्हा दाखल आहे का? याची सखोल चौकशी सध्या केली जात आहे. अटक करण्यात आलेल्या सर्व आरोपींना येत्या 10 नोव्हेंबरपर्यंत पोलीस कोठडी सुनावण्यात आली असल्याची माहिती पोलिसांनी दिली.
कल्याण : वर्षानुवर्षे अंधारात जीवन जगणाऱ्या टिटवाळ्यातील आदिवासी पाड्यांवर अखेर प्रकाशाची किरणे पोहोचली आहेत. कल्याण-डोंबिवली महानगरपालिकेने ...
दरम्यान, मुंब्रा पोलिसांनी डोंबिवली, दिवा, मुंब्रा आणि ठाणे परिसरामध्ये राहणाऱ्या सर्व आरोपींवर मुंब्रा पोलीस ठाण्यात भारतीय न्याय संहिता (बीएनएस) संबंधित कलमांखाली गुन्हा दाखल करण्यात आला आहे. ज्यामध्ये कलम 143(3), 143(4), 308(2), 61(2), 309(6), 352, 115(2) आणि 351(2) यांचा समावेश आहे.