सध्या 'राईज अँड फॉल' (Rise And Fall Show) हा रिअ‍ॅलिटी शो प्रेक्षकांमध्ये प्रचंड लोकप्रिय होत असून, त्यातील स्पर्धकांची केमेस्ट्री विशेष चर्चेचा विषय ठरली आहे. या शोमध्ये सर्वाधिक लक्ष वेधून घेतलेली जोडी म्हणजे धनश्री वर्मा (Dhanashree Varma) आणि अरबाज (Arbaaz) यांची आहे. या दोघांच्या नात्यातील रंगतदार क्षण प्रेक्षकांना खूप आवडत आहेत. मात्र, त्यांच्यातील चर्चेचा मुख्य मुद्दा ठरला आहे तो म्हणजे अरबाजचा पझेसिव्ह (Possessive) स्वभाव. धनश्री जेव्हा शोमधील इतर स्पर्धकांना भेटते आणि त्यांना मिठी मारते (गळाभेट घेते), तेव्हा ही गोष्ट अरबाजला अजिबात आवडत नाही. यावरून तो अनेकदा धनश्रीला जाब विचारताना दिसतो, ज्यामुळे त्यांच्या नात्यातील बारकावे शोमध्ये अधिक ठळकपणे दिसून येत आहेत. अरबाजच्या या पझेसिव्ह स्वभावावर धनश्रीने अगदी स्पष्टपणे उत्तर दिले आहे. तिने अरबाजला समजावताना म्हटले की, "ही माझी पद्धत आहे. मी सगळ्यांची गळाभेट घेते."
'राईज अँड फॉल' वाद निकी तांबोळीपर्यंत पोहोचला
'राईज अँड फॉल' (Rise And Fall Show) या रिअ‍ॅलिटी शोमधील स्पर्धक अरबाज (Arbaaz) आणि धनश्री वर्मा (Dhanashree Varma) यांच्यातील पझेसिव्हनेसवरून सुरू झालेला वाद आता अरबाजची गर्लफ्रेंड निकी तांबोळी (Nikki Tamboli) पर्यंत पोहोचला आहे. धनश्रीच्या गळाभेटीमुळे अरबाजने व्यक्त केलेल्या नाराजीवर निकी तांबोळीने सोशल मीडियाच्या माध्यमातून आपल्या तीव्र भावना व्यक्त केल्या आहेत. अरबाजच्या या वर्तनावर निकी तांबोळी चांगलीच भडकलेली दिसून आली. तिने आपल्या इन्स्टाग्राम स्टोरीवर थेट पोस्ट शेअर करत या प्रकरणावर आपली प्रतिक्रिया दिली आहे. निकी तांबोळीने तिच्या भावना दोन वेगवेगळ्या पोस्टमध्ये व्यक्त केल्या आहेत. पहिल्या पोस्टमध्ये तिने लिहिलं की, "अपना तो एकही उसूल है, यारी मे गद्दारी नही और गद्दारोंसे यारी नही." तर दुसऱ्या पोस्टमध्ये लिहिलं, "जब शिकार का समय होगा, जंगल मे हम खुद आयेंगे." निकीच्या या पोस्ट्समुळे शोमधील हा वैयक्तिक वाद आता सोशल मीडियावर अधिकच तापला आहे. अरबाजचा हा व्हिडीओ सोशल मीडियावर व्हायरल होताच, अनेक नेटीझन्सनी त्याच्यावर टीकेची झोड उठवली आहे. अनेकांनी अरबाजविरोधी कमेंट्स करत आपली नाराजी व्यक्त केली आहे. नेटीझन्सच्या मते, अरबाजची प्रत्येक रिअ‍ॅलिटी शोमध्ये हीच सर्वत्र अवस्था असते. प्रत्येक शोमध्ये तो कोणत्या ना कोणत्या स्पर्धकाच्या (विशेषतः महिला स्पर्धकांच्या) मागे लागलेला असतोच, अशा प्रतिक्रिया युजर्सनी नोंदवल्या आहेत.
निकी तांबोळी आणि अरबाजची लव्हस्टोरी
अभिनेत्री निकी तांबोळी आणि अरबाज यांची प्रेम कहाणी (लव्हस्टोरी) रिअ‍ॅलिटी शोच्या माध्यमातून सुरू झाली आणि प्रेक्षकांनी ती जवळून अनुभवली. बिग बॉस मराठीच्या पाचव्या सीझनमध्ये (Bigg Boss Marathi Season 5) ही जोडी एकत्र आली, ज्यामुळे त्यांची केमिस्ट्री प्रेक्षकांमध्ये प्रचंड लोकप्रिय झाली. बिग बॉसच्या घरात या दोघांची मैत्री झाली. हळूहळू या मैत्रीचे रूपांतर प्रेमात झाले. त्यांचा हा भावनिक प्रवास प्रेक्षकांना शोमध्ये पाहता आला. शो संपल्यानंतरही या दोघांचे नाते अधिक घट्ट झाले. अरबाज आणि निकी तांबोळी यांची जोडी प्रेक्षकांच्या पसंतीस उतरली आणि त्यांना चाहत्यांकडून भरभरून प्रतिसाद मिळाला. शो संपल्यानंतरही हे दोघे अनेकदा एकत्र फिरायला (Vacation) गेले. फिरायला गेल्यानंतर त्यांनी एकमेकांसोबतचे रोमँटिक फोटो (Romantic Photos) देखील सोशल मीडियावर शेअर केले. त्यांच्या चाहत्यांनी या फोटोंवर भरभरून प्रेम दाखवले. निकी आणि अरबाजची ही लव्हस्टोरी रिअ‍ॅलिटी शोमधून सुरू होऊन आजही चर्चेत आहे.