मिशिगन, अमेरिका: अमेरिकेतील मिशिगन राज्यात ग्रँड ब्लँक येथील एका चर्चमध्ये रविवारी गोळीबार झाला. या घटनेत अनेक लोक जखमी झाल्याचे वृत्त आहे. पोलिसांच्या माहितीनुसार, गोळीबार करणारा हल्लेखोर (shooter is down) असून आता जनतेला कोणताही धोका नाही.
चर्च ऑफ जीसस क्राइस्ट ऑफ लॅटर-डे सेंट्स ग्रँड ब्लँक, मिशिगन येथे स्थानिक वेळेनुसार सकाळी ११ च्या सुमारास चर्चेमध्ये गोळीबार झाला.
चर्चमध्ये झालेल्या गोळीबारात अनेक लोक जखमी झाले आहेत. गोळीबारानंतर चर्चला आग लागली, ज्यामुळे परिस्थिती अधिक गंभीर झाली. घटनेचे व्हिडिओ सोशल मीडियावर व्हायरल झाले आहेत, ज्यात चर्चच्या इमारतीतून धुराचे मोठे लोट बाहेर पडताना दिसत आहेत.
ग्रँड ब्लँक टाउनशिप पोलिसांनी तात्काळ घटनास्थळी धाव घेतली. त्यांनी दिलेल्या माहितीनुसार, हल्लेखोर आता 'खाली पडलेला' आहे आणि जनतेला कोणताही धोका नाही. मात्र, हल्लेखोर मृत आहे की ताब्यात आहे, हे स्पष्ट झालेले नाही. पोलिसांनी सांगितले की चर्चला 'मोठी आग' लागलेली आहे. अग्निशमन दलाचे जवान आग विझवण्यासाठी प्रयत्न करत आहेत. आगीमुळे काही लोक आत अडकल्याची भीती व्यक्त होत आहे.
जखमींना मदत करण्यासाठी तातडीने वैद्यकीय पथक घटनास्थळी पोहोचले आहे. तसेच, नागरिकांना घटनास्थळापासून दूर राहण्याचे आवाहन करण्यात आले आहे.मिशिगनच्या राज्यपाल ग्रेचेन व्हिटमर यांनी या घटनेवर शोक व्यक्त केला आहे. त्यांनी म्हटले आहे की, "कोणत्याही ठिकाणी, विशेषतः प्रार्थनास्थळी होणारी हिंसा स्वीकारार्ह नाही."
सध्या पोलीस या प्रकरणाचा तपास करत आहेत. जखमींची संख्या आणि त्यांची स्थिती याबाबत अधिकृत माहिती अद्याप जाहीर करण्यात आलेली नाही. हल्लेखाराची ओळख आणि गोळीबाराचे कारणही अस्पष्ट आहे. लवकरच याबद्दल अधिक तपशील उपलब्ध होतील अशी अपेक्षा आहे.