मोहित सोमण:अँडव्हान्स अँग्रोलाईफ (Advanced Agro Limited) कंपनीचा शेअर आजपासून बाजारात सूचीबद्ध (Listed) झाला आहे. १९२.८६ कोटींचा आयपीओ ३० सप्टेंबर ते ३ ऑक्टोबर या कालावधीत बाजारात दाखल झाला होता. आज हा शेअर बीए सई व एनएसईवर सूचीबद्ध झाला असून शेअर सुरूवातीच्या सत्रात संपूर्णपणे गडगडला आहे. सत्र सुरू झाल्यावरच खरं तर कंपनीचा शेअर १३% प्रिमियम दराने बाजारात सूचीबद्ध झाला होता. १०० रुपयांच्या प्राईज बँडसह आलेला हा शेअर ११३ रूपयांवर व्यव हार करत होता. मात्र दुपारी १.१५ वाजेपर्यंत कंपनीच्या शेअर्समध्ये २४.८६% कोसळला असून १०७ रूपयांवर व्यवहार करत आहे.
आयपीओला एकूण ५६.९० पटीने सबस्क्रिप्शन मिळाले होते ज्यामुळे बाजाराने मोठा कौल आयपीओला दिला होता. पब्लिक इशूपैकी किरकोळ गुंतवणूकदारांकडून २३.१४ पटीने, पात्र संस्थात्मक गुंतवणूकदारांकडून २७.३१ पटीने, विना संस्थात्मक गुंतवणूकदा रांकडून १७५.३० पटीने सबस्क्रिप्शन मिळाले होते. तर कंपनीच्या शेअरची शेवटची जीएमपी १४% अधिक होती. कंपनीचा शेअर ११४ रूपये प्रति शेअरवर सूचीबद्ध झाला. आयपीओआधी ५७.७७ कोटी रुपयांचा निधी अँकर गुंतवणूकदारांकडून कंपनीने उभार ला होता.
२००२ मध्ये स्थापन झालेली अ‍ॅडव्हान्स अ‍ॅग्रोलाइफ लिमिटेड कंपनी ही विस्तृत श्रेणीतील कृषी रसायन उत्पादनांच्या निर्मितीमध्ये कार्यरत आहे. कंपनीची उत्पादने भारतातील खरीप आणि रब्बी हंगामात प्रमुख धान्ये, भाज्या आणि बागायती पिकांच्या लागवडीसाठी वापरली जातात. कंपनीला आर्थिक वर्षात महसूलात इयर ऑन इयर बेसिसवर १०% वाढ प्राप्त झाली असून कंपनीच्या करोत्तर नफ्यात इयर ऑन इयर बेसिसवर (YoY) ४% वाढ मिळाली होती. कंपनीचे सध्याचे बाजार भांडवल (Market Capitalisation) ६४ २.८६ कोटी रुपये आहे.