नवी मुंबई : हरमनप्रीत कौरच्या (Harmanpreet Kaur) नेतृत्वाखालील भारतीय महिला संघाने महिला वनडे वर्ल्ड कप २०२५ मध्ये ऐतिहासिक कामगिरी केली आहे. दुसऱ्या उपांत्य सामन्यात भारताने तब्बल ७ वेळा विजेतेपद (7-time Champions) पटकावलेल्या ऑस्ट्रेलियावर (Australia) शानदार विजय मिळवत अंतिम फेरीत धडक मारली आहे. आता फायनलमध्ये भारताचा (India) सामना दक्षिण आफ्रिकेशी (South Africa) होणार आहे. दक्षिण आफ्रिकेने पहिल्या उपांत्य फेरीत इंग्लंडला (England) पराभूत करत अंतिम फेरीत प्रवेश केला आहे. या वेळी महिला वर्ल्ड कपला नवा चॅम्पियन (New Champion) मिळणार आहे, कारण भारत आणि दक्षिण आफ्रिका हे दोन्ही संघ पहिल्यांदाच विजेतेपद जिंकण्याच्या निर्धाराने मैदानात उतरणार आहेत. त्यामुळे, हा अंतिम सामना अत्यंत रोमांचक आणि तुफान झुंजीचा ठरणार आहे. आता भारत आणि दक्षिण आफ्रिकेतील महिला वर्ल्ड कप २०२५ चा अंतिम सामना नेमका कधी, कुठे आणि किती वाजता होणार आहे, याची माहिती जाणून घेणे महत्त्वाचे आहे.
टीम इंडिया आणि दक्षिण आफ्रिका पहिल्या विजेतेपदासाठी सज्ज
अंतिम सामन्याचे वेळापत्रक!
दिनांक : रविवार, २ नोव्हेंबर
स्थळ : डी. वाय. पाटील स्टेडियम (D. Y. Patil Stadium), नवी मुंबई
सामन्याची वेळ : दुपारी ३:०० वाजता (भारतीय वेळेनुसार) टॉस दुपारी २:३० वाजता
स्टेडियममध्ये प्रेक्षकांची गर्दी होणे अपेक्षित आहे, कारण याच मैदानावर भारताने ऑस्ट्रेलियाविरुद्ध उपांत्य फेरीत विक्रमी विजय मिळवला होता. भारतीय महिला संघ (Team India) तिसऱ्यांदा वर्ल्ड कपच्या अंतिम फेरीत पोहोचला आहे. यापूर्वी २००५ आणि २०१७ मध्ये भारताला उपविजेतेपदावर समाधान मानावे लागले होते. दक्षिण आफ्रिकेचा (South Africa) हा पहिलाच वर्ल्ड कप फायनल आहे. त्यामुळे, दोन्ही संघांना पहिल्यांदाच जागतिक विजेतेपद जिंकण्याची सुवर्णसंधी (Golden Opportunity) मिळाली आहे. दोन्ही संघ उत्कृष्ट फॉर्ममध्ये असून इतिहास रचण्यासाठी सज्ज आहेत.
सामना लाईव्ह कुठे पाहाल?
हा महत्त्वाचा सामना स्टार स्पोर्ट्स नेटवर्कवर थेट प्रसारित (Live Telecast) केला जाईल. याव्यतिरिक्त, चाहते हा सामना जिओ सिनेमा (Jio Cinema) आणि हॉटस्टार (Hotstar) ॲपवर 'मोफत लाईव्ह स्ट्रीमिंग' (Free Live Streaming) द्वारे पाहू शकतील.