रांची IND vs SA : रांची येथे उद्यापासून भारत-दक्षिण आफ्रिका वनडे मालिकेला सुरुवात होत आहे. कसोटी मालिकेतील पराभवानंतर आता एकदिवसीय मालिकेत विजय मिळवण्याची संधी भारतीय संघाकडे आहे. या मालिकेत केएल राहुल भारतीय संघाचे नेतृत्व करणार असून रोहित शर्मा आणि विराट कोहलीही बराच काळानंतर भारतीय जर्सीत देशांतर्गत मैदानावर उतरणार आहेत. पहिल्या सामन्यात कोणाला संधी द्यायची याबाबत चर्चा रंगत असताना, भारताचा माजी क्रिकेटपटू एस. बद्रीनाथनं १५ पैकी ११ खेळाडूंची स्वतःची प्लेइंग इलेव्हन जाहीर केली आहे.
बद्रीनाथच्या संघ निवडीतील मुख्य मुद्दे
बद्रीनाथनं निवडलेल्या संघात तीन वेगवान गोलंदाजांचा समावेश आहे. हर्षित राणा, प्रसिद्ध कृष्णा आणि अर्शदीप सिंग या तिघांना त्यानं गती विभागात स्थान दिलं आहे. मुख्य फिरकीपटू म्हणून कुलदीप यादवची निवड त्यानं कायम ठेवली. तर ऑलराऊंडर म्हणून रवींद्र जडेजा आणि वॉशिंग्टन सुंदर यांना संधी दिली आहे.
त्याच्या निवडीतला सर्वात मोठा बदल म्हणजे विकेटकीपर रिषभ पंतला बाहेर ठेवण्यात आलं आहे. केएल राहुल स्वतः विकेटकीपिंगची जबाबदारी सांभाळू शकतो, या कारणामुळे पंतला स्थान मिळालं नाही, असं बद्रीनाथचं मत आहे. रोहित शर्मा ओपनर असतानाच शुभमन गिलऐवजी यशस्वी जयस्वाल आणि श्रेयस अय्यरऐवजी ऋतुराज गायकवाडला जागा देण्यात आली आहे.
बद्रीनाथची प्लेइंग इलेव्हन
रोहित शर्मा, यशस्वी जयस्वाल, विराट कोहली, ऋतुराज गायकवाड, रवींद्र जडेजा, केएल राहुल (कर्णधार), वॉशिंग्टन सुंदर, कुलदीप यादव, हर्षित राणा, प्रसिद्ध कृष्णा, अर्शदीप सिंग
अधिकृत भारतीय संघ
रोहित शर्मा, यशस्वी जयस्वाल, विराट कोहली, तिलक वर्मा, केएल राहुल (कर्णधार), रिषभ पंत, वॉशिंग्टन सुंदर, रवींद्र जडेजा, कुलदीप यादव, नितीश कुमार रेड्डी, हर्षित राणा, ऋतुराज गायकवाड, प्रसिद्ध कृष्णा, अर्शदीप सिंग, ध्रुव जुरेल
दक्षिण आफ्रिकेचा अधिकृत संघ
टेम्बा बावुमा (कर्णधार), ओटनील बार्टमन, कॉर्बिन बॉश, मॅथ्यू ब्रेट्झके, डेवाल्ड ब्रेविस, नांद्रे बर्गर, क्विंटन डी कॉक, टोनी डी झोर्झी, रुबिन हर्मन, केशव महाराज, मार्को जॅनसेन, एडेन मार्कराम, लुंगी एनगिडी, रायन सुबरेन, प्रिलेटन
वनडे मालिकेचं वेळापत्रक
पहिली वनडे – ३० नोव्हेंबर – रांची
दुसरी वनडे – ३ डिसेंबर – रायपूर
तिसरी वनडे – ६ डिसेंबर – विशाखापट्टणम