रांची : रांची येथे भारत आणि दक्षिण आफ्रिकेमधील एकदिवसीय मालिकेचा पहिला सामना रंगत आहे. आयसीसी चॅम्पियन्स ट्रॉफीनंतर टीम इंडिया मायदेशात वनडे मालिकेसाठी सज्ज झाली आहे. कसोटी मालिकेनंतर आयोजित करण्यात आलेल्या या सामन्यापूर्वी दुपारी १ वाजता नाणेफेक झाली आणि १.३० वाजता सामन्याला सुरुवात झाली.
नाणेफेकीत दक्षिण आफ्रिकेने विजय मिळवत भारताला प्रथम फलंदाजीला बोलावले. या सामन्यासाठी नियमित कर्णधार टेम्बा बुवमा याला विश्रांती देण्यात आली असून एडन मार्क्रमकडे नेतृत्वाची धुरा सोपवण्यात आली आहे. एडनने टॉस जिंकत मैदान आणि परिस्थिती लक्षात घेऊन बॅटिंगचा निर्णय भारतावर सोडला. भारत ३०० धावांचा टप्पा ओलांडतो का, याकडे आता चाहत्यांचे लक्ष लागले आहे.
भारतीय संघात मोठा बदल करत ऋतुराज गायकवाडला प्लेइंग इलेव्हनमध्ये स्थान देण्यात आले आहे. अलीकडील लिस्ट ए मालिकेत ऋतुराजने दक्षिण आफ्रिकेविरुद्ध जबरदस्त कामगिरी करत २०० पेक्षा अधिक धावा केल्या होत्या. त्या फॉर्मच्या जोरावर त्याला संधी मिळाली. मात्र विकेटकीपर ऋषभ पंत आणि नितीश रेड्डी यांना या सामन्यात स्थान मिळाले नाही.
रांचीच्या मैदानावर भारताला पहिल्यांदा बॅटिंग मिळाल्याने रोहित शर्मा आणि विराट कोहली या अनुभवी जोडीकडून दमदार सुरुवातीची अपेक्षा आहे. दोघेही सध्या चांगल्या लयीत असल्याने भारतीय डावाला भक्कम चालना मिळेल, अशी चाहत्यांची अपेक्षा आहे.
टीम इंडियाची प्लेइंग इलेव्हन
रोहित शर्मा, यशस्वी जैस्वाल, विराट कोहली, ऋतुराज गायकवाड, वॉशिंग्टन सुंदर, केएल राहुल (कॅप्टन व विकेटकीपर), रवींद्र जडेजा, हर्षित राणा, कुलदीप यादव, अर्शदीप सिंग, प्रसीध कृष्णा.
दक्षिण आफ्रिकेची अंतिम ११
एडन मार्क्रम (कर्णधार), रायन रिकेल्टन, क्विंटन डी कॉक (विकेटकीपर), मॅथ्यू ब्रेट्झके, टोनी डी झोर्झी, डेवाल्ड ब्रेविस, मार्को यान्सेन, कॉर्बिन बॉश, प्रिनेलन सुब्रेन, नांद्रे बर्गर, ओटनील बार्टमन.