मुंबई : महानगरपालिकेच्या आगामी निवडणुकीसाठी महाराष्ट्र नवनिर्माण सेनेने आपल्या उमेदवारांची पहिली यादी जाहीर केली आहे. शहरातील विविध प्रभागांमध्ये अनुभवी, स्थानिक प्रश्नांशी जोडलेले आणि कार्यक्षम उमेदवार मैदानात उतरवून मनसेने निवडणुकीची तयारी सुरू केल्याचे दिसून येत आहे. नागरिकांच्या मूलभूत सुविधा, स्थानिक विकास आणि पारदर्शक प्रशासन या मुद्द्यांवर मनसेचा भर राहणार आहे. राज ठाकरे यांच्याकडून एबी फॉर्म देण्यास सुरुवात करण्यात आली आहे.
मनसेची मुंबईतील प्रभाग क्र.१९२ यशवंत किल्लेदार, प्रभाग क्र. १८३ पारूबाई कटके, प्रभाग क्र ८४ रूपाली दळवी, प्रभाग क्र १०६ सत्यवान दळवी, प्रभाग क्र. ६८ संदेश देसाई, प्रभाग क्र. २१ सोनाली मिश्रा, प्रभाग क्र.११ कविता माने, प्रभाग क्र.१५० सविता थोरवे, प्रभाग क्र. १५२ सुधांशू दुनबाळे, प्रभाग क्र ८१ शबनम शेख, प्रभाग क्र.१३३ भाग्यश्री जाधव, प्रभाग क्र. १२९ विजया गीते, प्रभाग क्रमांक १८ सदिच्छा मोरे, प्रभाग क्र.११० हरिनाक्षी मोहन चिराथ, प्रभाग क्रमांक २७ आशा चांदर या यादीतून मनसेने महिला, युवक आणि सामाजिक कार्यात सक्रिय असलेल्या उमेदवारांना संधी दिल्याचे स्पष्ट होते.