मोहित सोमण: आयकर विभागाने (Central Board of Direct Taxes CBDT) डिसेंबर महिन्यातील आयकर संकलनाची नवी माहिती प्रसिद्ध केली आहे. नव्या माहितीनुसार डिसेंबर महिन्यात इयर ऑन इयर बेसिसवर कर संकलनात (Tax Collection) मध्ये ८% वाढ झाली आहे. आर्थिक वर्ष २०२४-२५ मधील १५७८४३२.५१ कोटींच्या तुलनेत आर्थिक वर्ष २०२५-२६ पर्यंत एकूण कर संकलनात १७०४७२५.२१ कोटी रुपयांवर वाढ झाल्याने स्पष्ट झाले तर एकूण अ‍ॅडव्हान्स कर संकलनात (Advance Tax Collection) इयर ऑन इयर बेसिसवर डिसेंबरपर्यंत ४.२७% वाढ झाली आहे.
उपलब्ध माहितीनुसार, अ‍ॅडव्हान्स करापैकी कॉर्पोरेट करात नोव्हेंबर महिन्यातील डिसेंबरमध्ये वाढ कायम असताना विना कॉर्पोरेट (Non Corporate Tax NCT) करात घसरण झाल्याचे सरकारने म्हटले. आर्थिक वर्ष २०२४-२५ मध्ये कॉर्पोरेट कर संकलन ५६२४२२.१८ कोटीवर होते जे आर्थिक वर्ष २०२५-२६ डिसेंबरमध्ये ६०७२९९.९९ कोटींवर वाढले. तर विना कॉर्पोरेट कर संकलन आर्थिक वर्ष २०२४-२५ मधील १९२६५६.४० कोटींच्या तुलनेत या डिसेंबर महिन्यात १८१०८७.९३ कोटींवर घसरले आहे ज्यामध्ये आकडेवारीनुसार -६.४९% घसरण झाली आहे.
आकडेवारीनुसार कर परताव्यात (Tax Refunds) मात्र डिसेंबर पर्यंत मोठी घसरण झाली आहे. कॉर्पोरेट करातील आर्थिक वर्ष २०२४-२५ मध्ये असलेल्या १८५४६०.५५ कोटी तुलनेत या डिसेंबर महिन्यात (२०२५-२६) १७७२६७.५३ कोटींवर घसरण झाली. विना कॉर्पोरेट क्षेत्रातील कर संकलनात इयर ऑन इयर बेसिसवर डिसेंबर २०२३-२४ मधील १५७९९३.१३ कोटी तुलनेत ११९२६७.५३ कोटींवर घसरण झाली. एकूण स्थूल कर संकलनात इयर ऑन इयर बेसिसवर डिसेंबरपर्यंत ४.१६% घसरण झाल्याचे सरकारने आकडेवारीत स्पष्ट केले आहे. ही सदर आकडेवारी १७ डिसेंबरपर्यंत असल्याचेही सरकारने आपल्या निवेदनात म्हटले आहे.