कर्णधार हरमनप्रित कौरची आक्रमक खेळी
नवी मुंबई : विजयासाठी १९३ धावांचे आव्हान घेवून मैदानात उतरलेल्या मुंबई इंडियन्सची कर्णधार हरमनप्रित कौर हिने ४३ चेंडूमध्ये ७१धावांची नाबाद खेळी करत चौकाराने संघाचा विजय साकारला. दुसऱ्या बाजूने निकोला कॅरीने २३ चेंडूमध्ये नाबाद ३८ धावा केल्या. चौथ्या विकेटसाठी नाबाद ८४ धावांची भागिदारी करत कौर व कॅरीने संघाला विजय मिळवून दिला. सात बळी राखून मुंबई इंडियन्सने स्पर्धेतील पहिला विजय मिळविला.
मुंबईच्या अमनज्योत कौरने २६ चेंडूत ४० धावा करत संघाच्या विजयामध्ये आपले योगदान दिले. गुजरात जायंट्सने सामन्यात तीन झेल सोडत गच्चाळ क्षेत्ररक्षण करत पराभवाला हातभार लावला. महिला आयपीएल स्पर्धेत नवी मुंबईतील डी.वाय. पाटील स्टेडियमवर झालेल्या सामन्यात मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या गुजरात जायंट्सने २० चौकार व ७ षटकारांच्या मदतीने २० षटकांअखेर ५ गडी बाद १९२ धावा केल्या आहेत. गुजरात जायंट्सने एकाही खेळाडूला अर्धशतक झळकावता आले नसले तरी सांघिक कामगिरीच्या बळावर साडे नऊच्या सरासरीने मुंबई इंडियन्ससमोर तगडे आव्हान त्यांनी निर्माण केले. मुंबईला हा सामना जिंकण्यासाठी १९३ धावा करायच्या आहेत.
गुजरात जायंट्सकडून खेळताना जॉर्जिया वारेहमने सर्वांधिक ४३धावा केल्या. त्यानंतर भारती फुलमाळीच्या ३६ धावा, कानिका आहूजा ३५ धावा, बेथ मुनी ३३ धावा. कर्णधार गॉर्डनरच्या २० धावांनी धावसंख्येला
आकार मिळाला.