पुणे: पुणे महापालिकेच्या महापौरपदाबाबतची उत्सुकात शिगेला पोहोचली आहे. त्यामुळे राजकीय हालचालींना वेग आला आहे. याच पार्श्वभूमीवर आज म्हणजेच मंगळवार ३ फेब्रुवारी रोजी भाजप पक्षाकडून महापाैर पदासाठीच्या उमेदवारांची नावं जाहीर होणार आहेत.
भाजपाकडून तीन नावे अंतिम :
पुणे महापालिकेचे महापाैरपद पदरात पाडून घेण्यासाठी मोठी रस्सीखेच सुरू असल्याचे बघायला मिळत आहे. अशातच आज भाजपाकडून तीन नावे अंतिम अर्ज भरण्यापूर्वी जाहीर करण्यात येणार आहेत. पुणे महानगरपालिकेच्या महापौर पदासाठी भाजपच्या प्रदेशाध्यक्षांसह वरिष्ठ नेत्यांच्या बैठकीत तीन नावे निश्चित करण्यात आली. आज महापौर पदासाठी अर्ज दाखल करण्यापूर्वीच भाजपाकडून अंतिम नाव जाहीर होण्याची शक्यता आहे.
भाजपचा ११९ जागांवर विजय :
भाजपाने ११९ जागांवर विजय मिळवला आहे. त्यामुळे पालिकेत भाजपाचाच महापौर होणार आहे हे निश्चित झालं आहे. सर्वसाधारण महिला गटासाठी महापौर पदाचे आरक्षण जाहीर झाल्यानंतर भाजपामधील सर्वसाधारण गटातील इच्छुक महिला नगरसेवकांकडून जोरदार मोर्चा बांधणी सुरू झाली होती. आज महापौर व उपमहापौर पदासाठी अर्ज दाखल करण्यात येणार आहेत.