दिल्ली: बीसीसीआयच्या केंद्रीय करार यादीतून दुर्लक्षित खेळाडू: भारतीय क्रिकेट नियामक मंडळाने पुढील हंगामासाठी खेळाडूंची केंद्रीय करार यादी जाहीर केली आहे. कसोटी आणि एकदिवसीय संघाचा कर्णधार शुभमन गिलला बढती देण्यात आली आहे, तर रोहित शर्मा आणि विराट कोहली यांना पदावनत करण्यात आले आहे. रवींद्र जडेजा आणि जसप्रीत बुमराह सर्वोच्च श्रेणीत कायम आहेत. गेल्या हंगामाच्या तुलनेत, बीसीसीआयने अनेक प्रमुख खेळाडूंना केंद्रीय करार यादीतून वगळले आहे, त्यापैकी एक अनुभवी गोलंदाज मोहम्मद शमी आहे.
करार यादीतून मोहम्मद शमी आणि ईशान किशन यांची नावे गायब
बीसीसीआयच्या केंद्रीय करार यादीतून सर्वात मोठे नाव गायब आहे ते म्हणजे मोहम्मद शमी आहे. शमीने देशांतर्गत क्रिकेटमध्ये सातत्याने चांगली कामगिरी केली आहे, परंतु त्याला सातत्याने टीम इंडियामधून वगळण्यात आले आहे. आता, त्याला केंद्रीय करार यादीतूनही वगळण्यात आले आहे. दरम्यान, अलीकडेच टी-२० संघात परतलेला इशान किशन देखील या यादीतून वगळण्यात आला आहे. गेल्या हंगामाच्या यादीतूनही किशनला वगळण्यात आले होते कारण बीसीसीआयने त्याला देशांतर्गत क्रिकेटमध्ये न खेळल्यामुळे यादीतून वगळले होते.
यावेळी सरफराज खानलाही केंद्रीय करार मिळाला नाही. इंडियन प्रीमियर लीगमध्ये आरसीबी संघाचे नेतृत्व करणारा रजत पाटीदार यालाही वगळण्यात आले आहे, तर वेगवान गोलंदाज मुकेश कुमारलाही यावेळी केंद्रीय करार देण्यात आलेला नाही.
ही ५ नावे वगळली
मोहम्मद शमी, इशान किशन, रजत पाटीदार, सरफराज खान, मुकेश कुमार
बीसीसीआयची नवीन केंद्रीय करार यादी
ग्रेड ए - शुभमन गिल, जसप्रीत बुमराह, रवींद्र जडेजा
ग्रेड ब - रोहित शर्मा, विराट कोहली, केएल राहुल, वॉशिंग्टन सुंदर, मोहम्मद सिराज, हार्दिक पंड्या, ऋषभ पंत, कुलदीप यादव, सूर्यकुमार यादव, यशस्वी जैस्वाल, श्रेयस अय्यर
ग्रेड क - अक्षर पटेल, टिळक वर्मा, रिंकू सिंग, शिवम दुबे, संजू सॅमसन, अर्शदीप सिंग, प्रसीद कृष्णा, आकाशदीप, ध्रुव जुरेल, हर्षित राणा, वरुण चक्रवर्ती, नितीश कुमार रेड्डी, अभिषेक शर्मा, साई सुदर्शन, रवी बिश्नोई, रुतुराज गायकवाड