मुंबई : आयसीसी पुरुष टी ट्वेंटी वर्ल्डकप स्पर्धेतील सुपर ८ फेरीत वेस्ट इंडिज विरुद्ध झिम्बाब्वे हा सामना मुंबईच्या वानखेडे स्टेडियमवर सुरू आहे. नाणेफेक जिंकून झिम्बाब्वेने गोलंदाजीचा निर्णय घेतला. प्रथम फलंदाजी करणाऱ्या वेस्ट इंडिजने हेटमायर आणि पॉवेलच्या फटकेबाजीच्या जोरावर २० षटकांत सहा बाद २५४ धावा केल्या. धावांचा पाठलाग करणाऱ्या झिम्बाब्वेचा डाव १७.४ षटकांत १४७ धावांत आटोपला. वेस्ट इंडिजचा १०७ धावांनी दणदणीत विजय झाला. विंडीजकडून ३४ चेंडूत ७ षटकार आणि ७ चौकार मारत ८५ धावा करणारा शिमरॉन हेटमायर सामनावीर झाला.
झिम्बाब्वेची फलंदाजी
झिम्बाब्वेकडून तदिवानाशे मारुमणीने १४, ब्रायन बेनेटने ५, डायन मायर्सने २८, रायन बर्लने शून्य, सिकंदर रझाने २७, टोनी मुनयोंगाने १४, ताशिंगा मुसेकिवाने शून्य, ब्रॅड इव्हान्सने ४३, ग्रॅमी क्रेमरने शून्य, ब्लेसिंग मुजराबानीने शून्य, रिचर्ड नगारावाने नाबाद ७ धावांचे योगदान दिले. वेस्ट इंडिजकडून गुडाकेश मोतीने ४, अकील होसेनने ३, मॅथ्यू फोर्डेने २, जेसन होल्डरने १ विकेट घेतली.
वेस्ट इंडिजची फलंदाजी
वेस्ट इंडिजकडून ब्रँडन किंगने ९, शाई होपने १४, हेटमायरने ८५, पॉवेलने ५९, शेरफेन रुदरफोर्डने नाबाद ३१, रोमारियो शेफर्डने २१, जेसन होल्डरने १३, मॅथ्यू फोर्डेने नाबाद १ धावांचे योगदान दिले. झिम्बाब्वेने २१ अवांतर चेंडू टाकले. विंडीजच्या फलंदाजांनी झिम्बाब्वेच्या सर्व गोलंदाजांची धुलाई केली. झिम्बाब्वेकडून ब्लेसिंग मुजराबानी आणि रिचर्ड नगारावाने प्रत्येकी २ तर ग्रॅमी क्रेमर आणि ब्रॅड इव्हान्सने प्रत्येकी १ विकेट घेतली.
विंडीजकडून शिमरॉन हेटमायरने ३४ चेंडूत ७ षटकार आणि ७ चौकार मारत ८५ तर रोवमन पॉवेलने ३५ चेंडूत ४ षटकार आणि ४ चौकार मारत ५९ धावा केल्या.