अमिताभ यांची अयोध्येत मालमत्ता खरेदी

अयोध्या : बॉलिवूड अभिनेता अमिताभ बच्चन यांनी अयोध्येत मालमत्ता खरेदी केली आहे. त्यांनी ‘हाऊस ऑफ अभिनंदन लोढा’कडून २.६७ एकर जमीन खरेदी केली आहे. या व्यवहाराची किंमत ३५ कोटी रुपये आहे. कंपनीने ६ मार्च रोजी ही माहिती दिली आहे. ही जमीन ७५ एकरच्या ‘द सरयू’ प्रकल्पाजवळ स्थित आहे. अभिनंदन लोढा ग्रुपसोबत अमिताभ यांचा हा चौथा रिअल इस्टेट प्रकल्प आहे. अमिताभ यांनी अयोध्येत यापूर्वी, मे २०२५ मध्ये त्यांनी ‘द सरयू’ जवळच ४० कोटी रुपयांना २५ हजार चौरस फुटांचा एक भूखंड खरेदी केला होता. २०२४ मध्ये त्यांनी याच प्रकल्पात १४.५ कोटी रुपयांना १० हजार चौरस फुटांचा भूखंड घेतला होता. मंदिर शहरात त्यांनी आतापर्यंत जमिनीवर ९० कोटी रुपये खर्च केले आहेत.