गोरेगाव–मुलुंड लिंक रोड प्रकल्पासाठी वन्यजीव संवर्धन योजनेची अंमलबजावणी; वन विभागाकडे २० कोटी रुपये करणार जमा

मुंबई: मुंबई महानगरपालिकेकडून राबविण्यात येत असलेल्या गोरेगाव–मुलुंड जोड रस्ता (जीएमएलआर) प्रकल्पांतर्गत संजय गांधी राष्ट्रीय उद्यान परिसरात बोगद्याचे काम सुरू आहे. वन विभागाच्या अखत्यारित येत असलेल्या या राष्ट्रीय उद्यानातून या बोगद्याचे काम केले जाणार असल्यामुळे एकूण प्रकल्प खर्चाच्या एक टक्का रक्कम म्हणून २०कोटी रुपये संबंधित विभागाला अदा केले जाणार आहेत. वन विभागाच्या अटींची पूर्तता करण्याच्या दृटीकोनात ही रक्कम देण्यात येत आहे.


गोरेगाव येथील फिल्मसिटीपासून मुलुंडपर्यंत जाणाऱ्या या मार्गात संजय गांधी राष्ट्रीय उद्यानातून सुमारे ५.३० कि.मी. लांबीचा जोड बोगदा टीबीएम तंत्रज्ञानाच्या सहाय्याने तयार केला जात आहे. तसेच चित्रनगरी परिसरात सुमारे १.३२ कि.मी. लांबीचा पेटी बोगदा आणि त्यासोबतचे जोडरस्ते उभारण्याचे कामही या प्रकल्पात समाविष्ट आहे.


या प्रकल्पासाठी कंत्राटदाराची निवड करण्यात येऊन नोव्हेंबर २०२३ पासून प्रत्यक्ष कामास सुरुवात झाली आहे. हे काम ऑक्टोबर २०२८ पर्यंत काम पूर्ण होण्याची अपेक्षा आहे.


दरम्यान, राष्ट्रीय वन्यजीव मंडळाने २५ फेब्रुवारी २०१९ रोजी झालेल्या बैठकीत या बोगद्याच्या प्रस्तावाला काही अटी व शर्तींसह मंजुरी दिली होती. त्या अटींनुसार संरक्षित क्षेत्रात मानवी–वन्यजीव संघर्ष टाळण्यासाठी विशेष योजना तसेच वन्यजीव संवर्धनासाठी स्वतंत्र योजना तयार करणे आवश्यक असल्याचे नमुद केले होते.


त्या अनुषंगाने राज्याचे मुख्य वनसंरक्षक आणि संजय गांधी राष्ट्रीय उद्यानाचे संचालक यांच्या मार्गदर्शनाखाली संजय गांधी राष्ट्रीय उद्यान तसेच तुंगारेश्वर अभयारण्य परिसरासाठी मानवी–वन्यजीव संघर्ष निवारण आणि वन्यजीव संवर्धन योजना राबविण्यात येणार आहे. या योजनांच्या अंमलबजावणीसाठी प्रकल्प खर्चाच्या १ टक्के रक्कम मुख्य वनसंरक्षक व संजय गांधी राष्ट्रीय उद्यान संचालक यांच्याकडे जमा करण्यात येणार असल्याची माहिती देण्यात आली आहे. त्याअंतर्गत २० कोटी रुपये वन विभागाला अदा केले जाणार आहेत. या निर्णयामुळे गोरेगाव–मुलुंड लिंक रोड प्रकल्पाची कामे पुढे नेण्याबरोबरच वन्यजीव संरक्षणालाही चालना मिळणार असल्याचे प्रशासनाने स्पष्ट केले आहे.

Comments
Add Comment

BMC Action : मालाड येथील नाहर नगर मार्गाचे रुंदीकरण,अडथळा आणणारी १७ बांधकामे हटवली, ‘पी पश्चिम’ विभागाची कारवाई*

मुंबई (विशेष प्रतिनिधी) पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

रावणाचे उदात्तीकरण आणि प्रभू श्रीरामांचा अपमान खपवून घेणार नाही, हिंदु जनजागृती समिती आक्रमक

नुकत्याच प्रदर्शित झालेल्या 'रामायण' चित्रपटात मूळ कथेचा विपर्यास करून रावणाचे उदात्तीकरण आणि प्रभू श्रीराम,

Central Railway : नेव्ही हाफ मॅरेथॉनसाठी मध्य रेल्वेच्या 2 विशेष लोकल; कल्याण आणि पनवेलहून मध्यरात्री सुटणार

मुंबई : ‘डब्ल्यूएनसी नेव्ही हाफ मॅरेथॉन-2026’ मध्ये सहभागी होणाऱ्या धावपटूंच्या सोयीसाठी मध्य रेल्वेने 2 विशेष

Western Railway Mega Block : रविवारी पश्चिम रेल्वेचा ५ तासांचा जम्बो ब्लॉक; चर्चगेट ते मुंबई सेंट्रल दरम्यान रेल्वे वाहतुकीत बदल

मुंबई : पश्चिम रेल्वेच्या मार्गावरून रविवार, २२ नोव्हेंबर २०२६ रोजी प्रवास करणाऱ्यांसाठी महत्त्वाची सूचना आहे.

Tiger Shroff Firing Case : टायगर श्रॉफच्या घराबाहेरील गोळीबार प्रकरणात मोठा ट्विस्ट; फरार अभिषेक पंडितविरोधात 'लूकआऊट' जारी, पत्नीला अटक

मुंबई : बॉलिवूड अभिनेता टायगर श्रॉफ (Tiger Shroff) याच्या निवासस्थानाबाहेर झालेल्या गोळीबार प्रकरणाचा तपास आता अधिक

Tiger Shroff Firing Case : टायगर श्रॉफ गोळीबार प्रकरणात मोठी अपडेट; फरार अभिषेक पंडितविरोधात लुकआऊट नोटीस

मुंबई : अभिनेता टायगर श्रॉफच्या गोळीबार प्रकरणात मुंबई क्राईम ब्रँचने महत्त्वाची कारवाई केली आहे. या प्रकरणातील