नवी दिल्ली : हॉकी इंडियाने ८ व्या वार्षिक पुरस्कार २०२५ साठी नामांकनांची यादी जाहीर केली. २७ मार्च २०२६ रोजी नवी दिल्लीत होणाऱ्या या पुरस्कार सोहळ्यात, २०२५ या वर्षात भारतीय हॉकीसाठी उत्कृष्ट कामगिरी आणि योगदान देणाऱ्या हॉकूपटू आणि अधिकाऱ्यांचा सन्मान केला जाणार आहे.
या सोहळ्यातील प्रमुख पुरस्कारांमध्ये 'हॉकी इंडिया बलबीर सिंग सीनियर प्लेयर ऑफ द इयर' पुरस्काराचा समावेश आहे. जो पुरुष आणि महिला गटातील सर्वोत्कृष्ट हॉकपटूंना दिला जाणार आहे. तसेच, उदयोन्मुख प्रतिभावंतांना 'हॉकी इंडिया जुगराज सिंग इमर्जिंग प्लेयर ऑफ द इयर (पुरुष अंडर-२१)' आणि 'हॉकी इंडिया असुंता लाक्रा इमर्जिंग प्लेयर ऑफ द इयर (महिला अंडर-२१)' या पुरस्कारांनी सन्मानित केले जाणार आहे.
विविध स्थानांवरील उत्कृष्ट कामगिरीसाठी 'हॉकी इंडिया बलजीत सिंग गोलकीपर ऑफ द इयर', 'हॉकी इंडिया परगत सिंग बेस्ट डिफेंडर ऑफ द इयर', 'हॉकी इंडिया अजित पाल सिंग बेस्ट मिडफिल्डर ऑफ द इयर' आणि 'हॉकी इंडिया धनराज पिल्लई बेस्ट फॉरवर्ड ऑफ द इयर' हे पुरस्कारही प्रदान केले जातील. या आठ श्रेणींमध्ये एकूण ३२ हॉकीपटूंची निवड करण्यात आली आहे.
याव्यतिरिक्त, 'हॉकी इंडिया प्रेसिडेंट्स आउटस्टँडिंग अचिव्हमेंट अवॉर्ड', 'जमन लाल शर्मा इनव्हॅल्युएबल कॉन्ट्रिब्युशन अवॉर्ड', पंच आणि तांत्रिक अधिकाऱ्यांसाठी विशेष सन्मान आणि 'बेस्ट मेंबर युनिट अवॉर्ड' हे पुरस्कारही या सोहळ्यात प्रदान केले जातील.
राजगीर (बिहार) येथे २०२५ च्या आशिया कपमध्ये सुवर्णपदक जिंकलेल्या भारतीय पुरुष संघाला आणि तामिळनाडू येथे झालेल्या एफआयएच हॉकी मेन्स ज्युनियर वर्ल्ड कपमध्ये कांस्यपदक जिंकलेल्या भारतीय ज्युनियर पुरुष संघालाही सन्मानित केले जाणार आहे. १५ व्या हॉकी इंडिया राष्ट्रीय चॅम्पियनशिपमध्ये उत्कृष्ट कामगिरी करणाऱ्या सदस्य संघांनाही सन्मानित केले जाईल.
हॉकी इंडियाचे अध्यक्ष डॉ. दिलीप तिर्की म्हणाले, "भारतीय हॉकीसाठी हे वर्ष महत्त्वपूर्ण आहे आणि मागील वर्षातील उत्कृष्ट कामगिरीला मान्यता देणे महत्त्वाचे आहे. हे पुरस्कार हॉकपटू आणि अधिकाऱ्यांच्या समर्पणाचा आणि कामगिरीचा सन्मान करतात."
महासचिव भोला नाथ सिंग म्हणाले, "हे पुरस्कार खेळाडू, प्रशिक्षक, अधिकारी आणि सदस्य संघांच्या सामूहिक प्रयत्नांना मान्यता देतात, ज्यांनी भारतीय हॉकीला मजबूत करण्यात महत्त्वपूर्ण भूमिका बजावली आहे."
नामांकन मिळाले हॉकपटू खालीलप्रमाणे:
वर्षातील सर्वोत्कृष्ट गोलकीपर (बलजीत सिंग पुरस्कार): प्रिन्स दीप सिंग, कृष्ण बहादूर पाठक, बिचू देवी खरिबाम, सूरज करकेरा
वर्षातील सर्वोत्कृष्ट बचावपटू (परगत सिंग पुरस्कार): संजय, अमित रोहिदास, जुगराज सिंग, हरमनप्रीत सिंग.
वर्षातील सर्वोत्कृष्ट मिडफिल्डर (अजित पाल सिंग पुरस्कार): हार्दिक सिंग, सुमित, राजकुमार पाल, नीलकांत शर्मा.
वर्षातील सर्वोत्कृष्ट फॉरवर्ड (धनराज पिल्लई पुरस्कार): सुखजीत सिंग, अभिषेक, नवनीत कौर, शिलानंद लाक्रा.
वर्षातील उदयोन्मुख हॉकीपटू (२१ वर्षाखालील महिला, असुंता लाक्रा पुरस्कार): साक्षी राणा, ज्योती सिंग, सुनीलिता टोप्पो, कनिका सिवाच
वर्षातील उदयोन्मुख हॉकीपटू (पुरुष अंडर-२१ , जुगराज सिंग पुरस्कार): प्रिन्स दीप सिंग, मनमीत सिंग, अनमोल एक्का, अर्शदीप सिंग.
वर्षातील सर्वोत्तम महिला हॉकपटू (बलबीर सिंग वरिष्ठ पुरस्कार): नवनीत कौर, सलीमा टेटे, लालरेमसियामी, सविता.
वर्षातील सर्वोत्तम पुरुष हॉकीपटू (बलबीर सिंग वरिष्ठ पुरस्कार): हार्दिक सिंग, सुखजीत सिंग, संजय, अभिषेक