अकोला ( Akola Crime News ) : अकोला शहरातील कौलखेड परिसरात ‘धुरंधर’ ( Dhurandhar 2 ) चित्रपट बघून गुंडगिरी करणाऱ्या पाच तरुणांना पोलिसांनी अवघ्या २४ तासांत बेड्या ठोकल्या आहेत. श्रद्धा नगर भागात भरदिवसा तीन जणांवर प्राणघातक हल्ला केल्यानंतर परिसरात भीतीचे वातावरण निर्माण झाले होते. मात्र, तातडीने कारवाई करत पोलिसांनी आरोपींची धिंड काढत त्यांच्या दहशतीला लगाम घातला आहे.
धारदार शस्त्रांनी तिघांवर हल्ला
५ एप्रिल रोजी दुपारी कौलखेड परिसरात पाच जणांनी धारदार शस्त्रांनी तीन युवकांवर हल्ला केला. या हल्ल्यात अभिलाष हिंगे, रविकिरण उर्फ छोटू ठाकरे आणि हरी ओम रोठे हे गंभीर जखमी झाले. त्यांच्यावर सध्या खासगी आणि शासकीय रुग्णालयात उपचार सुरू असून, त्यापैकी दोघांची प्रकृती चिंताजनक असल्याची माहिती आहे.
चित्रपट पाहून नशेत धिंगाणा
२४ तासांत आरोपी जेरबंद
घटनेनंतर अकोला पोलीस, स्थानिक गुन्हे शाखा आणि खदान पोलीस ठाण्याच्या पथकांनी संयुक्त कारवाई करत सर्व पाच आरोपींना २४ तासांच्या आत अटक केली. हे सर्व आरोपी अल्पवयीन असल्याचे तपासात उघड झाले आहे.