मुंबई : आयपीएलच्या २२ व्या सामन्यात चेन्नई सुपर किंग्जनं कोलकाता नाइट रायडर्सवर शानदार विजय मिळवत स्पर्धेत आपली पकड मजबूत केली. चेन्नईनं प्रथम फलंदाजी करत २० षटकांत ५ बाद १९२ धावांचा भक्कम डोंगर उभारला. प्रत्युत्तरात १९३ धावांचं आव्हान घेऊन मैदानात उतरलेल्या केकेआरला २० षटकांत ७ बाद १६० धावांपर्यंतच मजल मारता आली आणि चेन्नईनं हा सामना ३२ धावांनी जिंकला.
केकेआरचा संघर्ष अपुरा, पराभवाची मालिका कायम :
धावांचा पाठलाग करताना केकेआरला चांगली सुरुवात मिळाली नाही. फिन एलन अवघ्या १ धावेवर बाद झाला. सुनील नरेन (२४), अजिंक्य रहाणे (२८) आणि अंगकृष रघुवंशी (२७) यांनी सुरुवात चांगली केली, पण मोठी खेळी करण्यात अपयशी ठरले. रिंकू सिंग (६) आणि कॅमेरुन ग्रीन खातेही उघडू शकले नाहीत. शेवटी रोवमन पॉवेल (३१) आणि रमणदीप सिंग (३५) यांनी प्रयत्न केले, पण ते विजयासाठी अपुरे ठरले.